11- ئاينىڭ 20- كۈنى، شىنجاڭ 3- نۆۋەتلىك «تىيانشان قار لەيلىسى مۇكاپاتى» كەسپىي ئۇسسۇل مۇسابىقىسى ئىككىنچى كۈنىگە قەدەم قويدى. شۇ كۈنى مۇسابىقىگە قاتناشتۇرۇلغان 24 نومۇر ئىچىدە، 15 نومۇرنى شىنجاڭ سەنئەت شۆيۈەنى ۋە شىنجاڭ سەنەت شۆيۈەنى قارىمىقىدىكى ئوتتۇرا دەرىجىلىك سەنئەت مەكتىپىدىكىلەر ئورۇنلىغان بولۇپ، شۇ كۈنلۈك مۇسابىقىدىكى نومۇرلارنىڭ ئۈچتىن ئىككى قىسمىنى ئىگىلىدى.

　بۇ 15 نومۇر ئىچىدە، 11- نومۇر − «ئاق قۇ» ناملىق يالغۇز كىشىلىك ئۇسسۇل باشقا نومۇرلارغا ئوخشىمايتتى، بۇ نومۇرنى ئورۇنلىغۇچى ئىككى بالىنىڭ ئانىسى بولۇپ، ئۇ دەل شىنجاڭ سەنئەت شۆيۈەنى ئۇسسۇل شۆيۈەنىنىڭ ئوقۇتقۇچىسى فىلورە ئىسمايىل ئىدى. ئوقۇتقۇچى بولۇش سۈپىتى بىلەن، ئوقۇغۇچىلىرى بىلەن بىر سەھنىدە ئۇسسۇل ماھارىتى جەھەتتە بەسلەشكەنلىكى ئۈستىدە توختالغاندا، فىلورە مۇئەللىم مۇنداق دېدى: «مەن ئۇسسۇلنى قىزغىن سۆيىدىغان بۇنداق روھىم ئارقىلىق، ئوقۇغۇچىلارنىڭ ئۇسسۇل ئىجادىيىتىگە تۈرتكە بولۇپ، ئوقۇغۇچىلارنى ئۇسسۇل مۇسابىقىسىگە قاتنىشىشقا ئىلھاملاندۇرىمەن».

　مۇخبىر: ياڭ ۋېي، شۆ خۇي

　نازارەتچى: شۆ جىڭ

　ئاۋازدا: نىجات نىياز، ئالمىرە غېنى

(نەشر ھوقۇقىغا ئىگە ئەسەر، ھوقۇق بېرىلمىگەن ئەھۋالدا باشقا سۇپىلارغا كۆچۈرۈپ ئىشلىتىش قاتتىق مەنئى قىلىنىدۇ. باشقا سۇپىلارغا كۆچۈرۈپ ئىشلەتكەندە مەنبەسى، ئەسلىي ماۋزۇسى، ئاپتورنىڭ ئىسمى ئەسكەرتىلىشى كېرەك، يادرولۇق مەزمۇنىنى ئۆزگەرتىشكە بولمايدۇ. ۋېيشىن دوستلار چەمبىرىكىگە، دوستلارغا ھەمبەھرىلەپ قويۇشىڭىزنى قارشى ئالىمىز.)