چاي ئېلىمىزدە ئۇزاق تارىخقا ئىگە، چاي- ھەرقايسى مىللەتلەرنىڭ ئارىلىشىپ كەتكەنلىكىنىڭ تارىخىي گۇۋاھچىسى. مەركىزىي رادىيو- تېلېۋىزىيە باش ئىستانسىسى مىللەتلەر تىلى پىروگرامما مەركىزى مەدەنىيەت تۈرىدىكى يۈرۈشلۈك قىسقا فىلىم «جۇڭگو چېيى»نى ئىشلىدى، تۆۋەندىكىسى بۇ يۈرۈشلۈك قىسقا فىلىمنىڭ  «جۇڭگو چېيىنىڭ قارلىق ئېگىزلىكتىكى خۇش پۇرىقى» ماۋزۇلۇق 4- قىسمى.

　سەھەردە قۇياش نۇرى بۇدالا سارىيىنىڭ ئالتۇن رەڭلىك ئۆگزىسىگە چۈشكەندە، قارلىق ئېگىزلىكتە چاينىڭ خۇشپۇرىقى تۆت ئەتراپقا تارالدى. قەدىمىي كارۋان يولىدا چاي سەپىرى باشلانغان چايزارلاردىن چاي يوق جايلارغىچە، قەدىمدىن زامانىمىزغىچە، چاي ئۈچۈن توختاۋسىز بېسىلغان قەدەملەر ئارقىلىق يول بارلىققا كەلگەن. بۇ يەردە بۈگۈنكى دەۋرنىڭ رىتىمى گەۋدىلەنگەن، شۇنداقلا قەدىمىي ئۆرپ- ئادەتلەر ساقلىنىپ قالغان. كىشىلەر چوڭ- كىچىك كوچىلاردا توختىماي ئۆتۈشۈپ تۇرىدۇ. نۇرغۇن لاسا ئاھالىسىنىڭ سەھىرى بىر ئىستاكان تاتلىق چاي بىلەن باشلىنىدۇ.