خۇرۇچلىرى:  قوناق ئۇنىدىن 500 گىرام، ئاق ئۇندىن 100گىرام، لوق گۆشتىن 200گىرام، پىيازدىن يېرىم باش، سەۋزە، چامغۇر، ياڭيۇ، تۇرۇپتىن يېرىم باشتىن؛ قىزىل لازا، شوخلا، ئاقمۇچ، ۋېيجىڭ، تۇز، پالەكلەردىن مۇۋاپىق مىقداردا.

　ئېتىش ئۇسۇلى:1. گۆش بىلەن پىيازنى ئۇششاق توغراپ بىر قاچىغا سېلىپ، تۇز، ئاقمۇچ، ۋېيجىڭ سېلىپ، ئازراق سوغۇق سۇ قۇيۇپ ئارىلاشتۇرۇپ چىلاپ قويىمىز. 2.ئىككى خىل ئۇننى بىرىكتۈرۈپ، تۇز سېلىپ، قىزىق سۇ بىلەن خېمىر يۇغۇرۇپ تىندۇرىمىز. 3.كۆكتاتلارنى ئېھتىياجغا قاراپ توغراپ، چامغۇر، ياڭيۇ، تۇرۇپ، سەۋزە توغرالمىلىرىنى قازانغا سېلىپ قاينىتىپ قويىمىز. 4. خېمىر تەييار بولغاندا ياغلاپ ياكى قۇرۇق ئۇن سېپىپ، خېمىرنى ئىككى مىللىمېتىر قېلىنلىقتا يېيىپ، ئاندىن ئۇنى يەنە ئىككى مىللىمېتىر كەڭلىكتە توغرىۋېلىپ، ئەمبەلنى قازان ئاغزىغا توغرىلاپ، پىچاق بىلەن خېمىرنى ئىككى مىللىمېتىر ئۇزۇنلۇقتا كېسىپ، ئۇتتۇرلۇق قازانغا تاشلايمىز، ھەممىسىنى كېسىپ قازانغا سېلىپ، قايناپ پىشقاندىن كېيىن قاچىدىكى خام قىيما بىلەن شوخلا، پالەكلەرنى سېلىپ، تۇز- تەمىنى قايتا تەڭشەپ،  قاچىلارغا ئۇسۇپ ئىستېمال قىلساق بولىدۇ.

　تەبىئىتى: ھۆل سوغۇق.

پايدىلانغان مەنبە: شىنجاڭ خەلق نەشرىياتى نەشر قىلغان «يېمەك- ئىچمەك رىسالىسى»ناملىق كىتاب

(نەشر ھوقۇقىغا ئىگە ئەسەر، ھوقۇق بېرىلمىگەن ئەھۋالدا باشقا سۇپىلارغا كۆچۈرۈپ ئىشلىتىش قاتتىق مەنئى قىلىنىدۇ. باشقا سۇپىلارغا كۆچۈرۈپ ئىشلەتكەندە مەنبەسى، ئەسلىي ماۋزۇسى، ئاپتورنىڭ ئىسمى ئەسكەرتىلىشى كېرەك، يادرولۇق مەزمۇنىنى ئۆزگەرتىشكە بولمايدۇ. ۋېيشىن دوستلار چەمبىرىكىگە، دوستلارغا ھەمبەھرىلەپ قويۇشىڭىزنى قارشى ئالىمىز.)