خۇرۇچلىرى: قوناق ئۇنىدىن 500گىرام، ئاق ئۇندىن 100 گىرام، لوق گۆشتىن 100 گىرام، پالەكتىن ئىككى تۈپ، شوخلىدىن يېرىم تال؛ پىياز، سامساق، تۇز، ئاقمۇچلاردىن مۇۋاپىق مىقداردا. 

　ئېتىش ئۇسۇلى:1. قازاغا سۇ قۇيۇپ قاينىتىپ، تۇز سېلىپ، ئىككى خىل ئۇننى تۆكۈپ قايناتقاچ نوغۇچ بىلەن قوچۇپ تۇرىمىز.خېمىر پىشىپ قولغا چاپلاشمىغۇدەك بولغاندا ئەمبەلگە ئېلىپ نوغۇچ بىلەن يېيىپ نېپىزلىتىمىز. 2. خېمىر سەل سوۋۇغاندا ئازراق سوغۇق سۇ سېپىپ يۇمشىتىپ، ئۇنىڭغا ياخشى ئىشلەيمىز. ئاندىن ئەمبەلنى ياغلاپ، خېمىرنى قويۇپ ئىككى مىللىمېتىر قېلىنلىقتا يېيىپ، ئۈچ- تۆت سانتىمېتىر ئۇزۇنلۇقتا، ئىككى مىللىمېتىر كەڭلىكتە ئۈگرە كېسىپ، قايناۋاتقان قازانغا سالىمىز. 3. ئۈگرە پىشقاندا ئۈستىگە گۆش، شوخلا، پىياز، سامساق، پالەكلەرنى سېلىپ قاينىتىپ، ئاخىرىدا تۇز، ئاقمۇچ سېلىپ تۇز- تەمىنى تەڭشەپ ئىستېمال قىلساق بولىدۇ.

　تەبىئىتى: سوغۇق.

پايدىلانغان مەنبە: شىنجاڭ خەلق نەشرىياتى نەشر قىلغان «يېمەك- ئىچمەك رىسالىسى»ناملىق كىتاب

(نەشر ھوقۇقىغا ئىگە ئەسەر، ھوقۇق بېرىلمىگەن ئەھۋالدا باشقا سۇپىلارغا كۆچۈرۈپ ئىشلىتىش قاتتىق مەنئى قىلىنىدۇ. باشقا سۇپىلارغا كۆچۈرۈپ ئىشلەتكەندە مەنبەسى، ئەسلىي ماۋزۇسى، ئاپتورنىڭ ئىسمى ئەسكەرتىلىشى كېرەك، يادرولۇق مەزمۇنىنى ئۆزگەرتىشكە بولمايدۇ. ۋېيشىن دوستلار چەمبىرىكىگە، دوستلارغا ھەمبەھرىلەپ قويۇشىڭىزنى قارشى ئالىمىز.)