«ئۇسسۇل مەستانىلىرى» − جۇڭگودىكى ياش ۋە مۇنەۋۋەر ئۇسسۇلچىلارنى مەركەز قىلغان تېلېۋىزىيە ئۇسسۇل مۇسابىقىسى پىروگراممىسى.

　خۇنەن سۈنئىي ھەمراھ تېلېۋىزىيەسى بىر يىل ۋاقىت سەرپ قىلىپ كەسپىي سەنئەت مەكتەپلەر، ئۆمەكلەر، ئۇسسۇل ئىشخانىلىرىدىكى ئوخشىمىغان ئۇسلۇبتىكى 6000غا يېقىن گۇرۇپپىدىكى ماھىردىن يۈزتۇرا ئىمتىھان ئېلىپ، ئەڭ مۇنەۋۋەر، ئەڭ ۋەكىللىك بولغان 50 گۇرۇپپا ماھىرنى تاللاپ، مۇسابىقىنىڭ تېلېۋىزىيەدە ماھارەت كۆرسىتىش باسقۇچىغا كىرگۈزدى.

　تۇنجى سان «ئۇسسۇل مەستانىلىرى» پىروگراممىسى 2019- يىلى 10- ئاينىڭ 5- كۈنى كۆرسىتىلدى.

　ئالدىنقى باسقۇچتا دەرىجىسى ئۆرلىگەن 14 گۇرۇپپا ئۇسسۇلچى ئىككى ئەترەت بولۇپ، يېڭى مۇسابىقە باسقۇچىدا كەسكىن رىقابەتلەشتى. ئۇلار بىلەت تاشلاش ئارقىلىق ئىككى ئەترەت باشلىقى يەنى لى شىن بىلەن «O -DOG»نى تاللاپ چىقتى. ئۇلار كۆڭۈلدىكى ئۇسسۇلچىلارنى تەكلىپ قىلىپ، ئەترەت تەشكىللەپ، كېيىنكى مۇسابىقىلەردە كوللىكتىپ كۈچ سىنىشىدۇ. 

　تۆۋەندىكى بۆلەكتە ھەر ئىككى تەرەپ چوڭ تېمىدىكى كىنو ئەسىرىنى ئورۇندايدۇ. Hello Dance بىلەن چىن تيەن كىشىگە ھۇزۇر بېغىشلايدىغان نادىر كىنو «غەربكە ساياھەت پاراڭلىرى»نى ئورۇندايدۇ. «O -DOG»، ياڭ شياۋجەن بىلەن جاڭ خەن «سەۋدايىلار دوختۇرخانىسىدىن ئۇچۇپ ئۆتۈش» فىلىمىدىكى ئاسارەتتىن قۇتۇلۇش روھىنى نامايەن قىلىپ بېرىدۇ.

　ئۇنداقتا، ئالدى بىلەن «O -DOG»، ياڭ شياۋجەن بىلەن جاڭ خەنلەر ئورۇندىغان ئۇسسۇل − «قەلب»نى بىرلىكتە كۆرۈپ باقايلى.

(نەشر ھوقۇقىغا ئىگە ئەسەر، ھوقۇق بېرىلمىگەن ئەھۋالدا باشقا سۇپىلارغا كۆچۈرۈپ ئىشلىتىش قاتتىق مەنئى قىلىنىدۇ. باشقا سۇپىلارغا كۆچۈرۈپ ئىشلەتكەندە مەنبەسى، ئەسلىي ماۋزۇسى، ئاپتورنىڭ ئىسمى ئەسكەرتىلىشى كېرەك، يادرولۇق مەزمۇنىنى ئۆزگەرتىشكە بولمايدۇ. ۋېيشىن دوستلار چەمبىرىكىگە، دوستلارغا ھەمبەھرىلەپ قويۇشىڭىزنى قارشى ئالىمىز.)