خۇرۇچلىرى: قادىقى، يىپ تالالىرى يوق چامغۇردىن 600 گىرام، شېكەردىن 160 گىرام، ئارپا شېكىرىدىن 180 گىرام، لىموندىن بىر دانە ياكى لىمون جەۋھىرى ئىككى گىرام.

　ئېتىش ئۇسۇلى:1. چامغۇرنى ئاقلاپ، يۇيۇپ، نېپىز توغرايمىز. 2. توغرالغان چامغۇرنى سىرلىق كورىغا سېلىپ، ئۈستىگە ئازراق سۇ قۇيۇپ، بوش ئوتتا چامغۇر يۇمشىغىچە قاينىتىمىز. 3.لىموننى پاكىز يۈيۈپ سۈرتۈپ ئىككى پارچە قىلىپ، سىقىپ شىرنىسىنى تولۇق چىقىرىپ تەييارلايمىز. 4.يۇمشىغان چامغۇر ئېتىنى مېۋە ئەزگۈچكە سېلىپ، ئۈستىگە سۈيىنى قۇيۇپ ئۇماچتەك قىلىمىز. 5. ئۇماچتەك قىلىنغان چامغۇرنى يەنە سىرلىق كورىغا تولۇق تۆكىمىز، ئۇنىڭ ئۈستىگە يەنە ئارپا شېكىرى ۋە شېكەرنى سېلىپ تولۇق ئارىلاشتۇرىمىز، ئارقىسىدىن يەنە لىمون شىرنىسىنى ياكى لىمون جەۋھىرىنى قوشۇپ تولۇق ئارىلاشتۇرۇپ، بوش ئوتتا ھالۋىدەك قويۇلغىچە توختىماي قوچۇپ قاينىتىمىز، ئۇنىڭدىن كېيىن سوۋۇتۇپ، سالقىن يەردە ساقلاپ ئىستېمال قىلساق بولىدۇ.

　تەسىرى: ئوزۇق بولۇش، بەلغەم بوشىتىش، ئۆپكە ئىقتىدارىنى ياخشىلاش، تەرەتنى راۋانلاشتۇرۇش، مەنىينى كۆپەيتىش خۇسۇسىيىتىگە ئىگە ھەم ئۆپكە كېسىلى بىلەن ئاغرىغان بىمارلارغا نىسبەتەن ياخشى ئوزۇقلۇق بولىدۇ.

　

　تەبىئىتى: ھۆل ئىسسىق.

پايدىلانغان مەنبە: شىنجاڭ خەلق نەشرىياتى نەشر قىلغان «يېمەك- ئىچمەك رىسالىسى»ناملىق كىتاب

(نەشر ھوقۇقىغا ئىگە ئەسەر، ھوقۇق بېرىلمىگەن ئەھۋالدا باشقا سۇپىلارغا كۆچۈرۈپ ئىشلىتىش قاتتىق مەنئى قىلىنىدۇ. باشقا سۇپىلارغا كۆچۈرۈپ ئىشلەتكەندە مەنبەسى، ئەسلىي ماۋزۇسى، ئاپتورنىڭ ئىسمى ئەسكەرتىلىشى كېرەك، يادرولۇق مەزمۇنىنى ئۆزگەرتىشكە بولمايدۇ. ۋېيشىن دوستلار چەمبىرىكىگە، دوستلارغا ھەمبەھرىلەپ قويۇشىڭىزنى قارشى ئالىمىز.)