خۇرۇچلىرى: قوناق ئۇنىدىن 500گىرام، چامغۇردىن بىر باش، پىيازدىن يېرىم باش، شوخلىدىن بىر تال، بەسەيدىن ئۈچ يوپۇرماق، گۆشتىن 200 گىرام، تۇز، پالەك، ئاقمۇچلاردىن مۇۋاپىق مىقداردا

　ئېتىش ئۇسۇلى:1. چامغۇرنى نېپىز توغراپ قازاغا سېلىپ قاينىتىپ قويىمىز. 2. گۆش بىلەن پىيازنى ئۇششاق چاناپ، تۇز، ئاقمۇچ سېلىپ قىيما تەييارلايمىز. 3. ئۇنغا قايناق سۇ، تۇز قۇيۇپ خېمىر يۇغۇرۇپ، ئەمبەلگە قويۇپ، تەييارلانغان قىيمىنى خېمىرغا تەكشى ئارىلاشتۇرىمىز. 4. تەييارلانغان قىيمىلىق خېمىرنى بارماق توملۇقىدا پىلتا قىلىپ، چىلاندەك زۇۋۇلا ئۈزۈپ، ئۇنى ئالىقانغا ئېلىپ  يۇمىلاقلاپ، قايتا بېسىپ ياپىلاقلاپ،  قايناۋاتقان قازانغا سېلىپ پىشۇرۇپ، تۇز- تەمىنى تەڭشەپ  ئۈستىگە پالەك، شوخلا سېلىپ ئىستېمال قىلساق بولىدۇ.

　تەبىئىتى: ھۆل سوغۇق. 

پايدىلانغان مەنبە: شىنجاڭ خەلق نەشرىياتى نەشر قىلغان «يېمەك- ئىچمەك رىسالىسى»ناملىق كىتاب

(نەشر ھوقۇقىغا ئىگە ئەسەر، ھوقۇق بېرىلمىگەن ئەھۋالدا باشقا سۇپىلارغا كۆچۈرۈپ ئىشلىتىش قاتتىق مەنئى قىلىنىدۇ. باشقا سۇپىلارغا كۆچۈرۈپ ئىشلەتكەندە مەنبەسى، ئەسلىي ماۋزۇسى، ئاپتورنىڭ ئىسمى ئەسكەرتىلىشى كېرەك، يادرولۇق مەزمۇنىنى ئۆزگەرتىشكە بولمايدۇ. ۋېيشىن دوستلار چەمبىرىكىگە، دوستلارغا ھەمبەھرىلەپ قويۇشىڭىزنى قارشى ئالىمىز.)