خۇرۇچلىرى: ھۆل زەنجىۋىل 250 گىرام، ھەسەل 200 گىرام، شېكەر 200 گىرام، لىمون بىر دانە، سۇ 300 گىرام.

　ئېتىش ئۇسۇلى:1. لىموننى سىقىپ شىرنىسىنى چىقىرىۋالىمىز. 2. زەنجىۋىلنىڭ پوستىنى قىرىپ چىقىرىۋېتىپ، يۇيۇپ، نېپىز ياپىلاقلاپ، سىرلىق كورىغا سالىمىز، ئۈستىگە سۇ قۇيۇپ، بوش ئوتتا 30 مىنۇت قاينىتىپ سۈزۈۋېلىپ، سۈيىگە 200 گىرام شېكەرنى سېلىپ 20 مىنۇت قاينىتىمىز. 3. سۈزۈۋالغان زەنجىۋىلنى ئۇششاق قىيما قىلىپ ياكى مېۋە ئەزگۈچكە سېلىپ ئۈستىگە ئازراق سۇ قۇيۇپ ئېزىپ، قايناۋاتقان قىيامغا سېلىپ بوش ئوتتا 20 مىنۇتچە قاينىتىمىز، ئۈستىگە لىمون شىرنىسىنى قوشۇپ ئارىلاشتۇرۇپ، يەنە 15 مىنۇتچە قاينىتىپ ئوتتىن ئېلىپ قويۇپ قويىمىز. 4. 24 سائەتتىن كېيىن ئۇنىڭغا ھەسەلنى قوشۇپ ئارىلاشتۇرۇپ، تولۇق ئارىلىشىپ بولغاندا ئوتتا قويۇپ، بوش ئوتتا توختىماستىن ئارىلاشتۇرۇپ قويۇلغىچە قاينىتىمىز. ئاندىن كېيىن ئوتتىن ئالىمىز، كورىنىڭ ئاغزىنى ئوچۇق قويۇپ، سوۋۇغاندا قۇرۇق، پاكىز قاچىغا ئېلىپ، سالقىن يەردە ساقلاپ، ئىستېمال قىلساق بولىدۇ.

　تەسىرى: ئاشقازاننى قىزىتىپ، ھەزىم قىلىشنى كۈچەيتىدۇ. ئومۇمەن سوغۇقتىن بولغان ئاشقازان، بۆرەك، دوۋسۇن ئاغرىقلىرىغا مەنپەئەت قىلىدۇ.

　تەبىئىتى: ئىسسىق.

پايدىلانغان مەنبە: شىنجاڭ خەلق نەشرىياتى نەشر قىلغان «يېمەك- ئىچمەك رىسالىسى»ناملىق كىتاب

(نەشر ھوقۇقىغا ئىگە ئەسەر، ھوقۇق بېرىلمىگەن ئەھۋالدا باشقا سۇپىلارغا كۆچۈرۈپ ئىشلىتىش قاتتىق مەنئى قىلىنىدۇ. باشقا سۇپىلارغا كۆچۈرۈپ ئىشلەتكەندە مەنبەسى، ئەسلىي ماۋزۇسى، ئاپتورنىڭ ئىسمى ئەسكەرتىلىشى كېرەك، يادرولۇق مەزمۇنىنى ئۆزگەرتىشكە بولمايدۇ. ۋېيشىن دوستلار چەمبىرىكىگە، دوستلارغا ھەمبەھرىلەپ قويۇشىڭىزنى قارشى ئالىمىز.)