خۇرۇچلىرى: تۇخۇم تۆت دانە، سېرىق- قىزىل سەۋزە، چىلانغان قارا مور، ئوسۇڭ، ئاق تۈرۈپ قاتارلىقلار مۇۋاپىق مىقداردا، سۇيىغى 50 گىرام، كىراخمال 10 گېرام، تۇز، ئاقمۇچ مۇۋاپىق مىقداردا، ئاق ئۇن بىر قوشۇق، قىزىل لازا 20 گىرام.

　ئېتىش ئۇسۇلى: تۇخۇمنى بىر قاچىغا چېقىپ تۇز، كىراخمال سېلىپ قوچۇيمىز، ئاندىن ئازراق سۇ بىلەن ئۇننى قوشۇپ يەنە بىر مىنۇت قوچۇپ، ئىككى- ئۈچ پارچە ئوخشاش چوڭلۇقتا،  نېپىز چەلپەك تەييارلايمىز. قوشۇمچە ماتېرىياللارنى سەرەڭگە تېلىدەك ئىنچىكە توغراپ، قايناق سۇغا بېسىۋېلىپ سوۋۇتۇپ، تۇز، ئاقمۇچ، پىششىق ياغ بىلەن قىيما تەييارلايمىز. چەلپەكنىڭ تۆت چېتىنى كېسىپ، ئىنچىكە توغراپ قىيمىغا قوشۇۋېتىمىز. تۆت چاسىلانغان چەلپەككە تەييارلانغان قىيمىنى سېلىپ، بارماق توملۇقىدا يۆگەپ، ئاخىرقى يۆگەلگەن چېتىگە قويۇق كىراخمال سۈركەپ تەخسىگە سېلىپ، قاسقاندا بەش مىنۇت دۈملەپ پىشۇرۇۋېلىپ سەل سوۋۇغاندا قىيپاش توغراپ، تەخسىگە گۈل چىقىرىپ تىزساق بولىدۇ.

　تەبىئىتى: مۆتىدىل.

　پايدىلانغان مەنبە: شىنجاڭ خەلق نەشرىياتى نەشر قىلغان «يېمەك- ئىچمەك رىسالىسى»ناملىق كىتاب

(نەشر ھوقۇقىغا ئىگە ئەسەر، ھوقۇق بېرىلمىگەن ئەھۋالدا باشقا سۇپىلارغا كۆچۈرۈپ ئىشلىتىش قاتتىق مەنئى قىلىنىدۇ. باشقا سۇپىلارغا كۆچۈرۈپ ئىشلەتكەندە مەنبەسى، ئەسلىي ماۋزۇسى، ئاپتورنىڭ ئىسمى ئەسكەرتىلىشى كېرەك، يادرولۇق مەزمۇنىنى ئۆزگەرتىشكە بولمايدۇ. ۋېيشىن دوستلار چەمبىرىكىگە، دوستلارغا ھەمبەھرىلەپ قويۇشىڭىزنى قارشى ئالىمىز.)