خۇرۇچلىرى: قوناق ئۇنىدىن 500 گىرام، لوق گۆشتىن 100گىرام، پىيازدىن بىر باش، چامغۇردىن ئىككى باش: تۇز، ئاقمۇچ. پالەك، شوخلا، كۆك ۋە قىزىل لازىلاردىن ئازراق.

　ئېتىش ئۇسۇلى: 1. گۆشنى ئۇششاق توغراپ، ئۇنىڭغا چانالغان پىياز، تۇز، ئاقمۇچ ئارىلاشتۇرۇپ قىيما تەييارلايمىز. 2.چامغۇرنى چوڭراق توغراپ، قايناۋاتقان قازانغا سېلىپ قاينىتىپ قويىمىز. 3. قوناق ئۇنىغا تۇز سېلىپ، قايناق سۇ بىلەن خېمىر يۇغۇرۇپ، سەل سوۋۇغاندا ئەمبەلگە قويۇپ باش بارماق توملۇقىدا پىلتا قىلىپ، ياڭاق چوڭلۇقىدا زۇۋۇلا ئۈزۈپ، ئالىقانغا ئېلىپ يالپاقلاپ، ئۇنىڭغا قىيمىنى ئېلىپ جۇۋاۋا تۈگۈپ، قايناۋاتقان قازانغا سېلىپ پىشۇرىمىز، جۇۋاۋا پىشقاندا  تەييار قىيما، توغرالغان پالەك، شوخلا، كۆك ۋە قىزىل لازىلارنى سېلىپ بىر قاينىتىپ، تۇز- تەمىنى قايتا تەڭشەپ ئىستېمال قىلساق بولىدۇ.

　تەبىئىتى: مۆتىدىل. 

　پايدىلانغان مەنبە: شىنجاڭ خەلق نەشرىياتى نەشر قىلغان «يېمەك- ئىچمەك رىسالىسى»ناملىق كىتاب

(نەشر ھوقۇقىغا ئىگە ئەسەر، ھوقۇق بېرىلمىگەن ئەھۋالدا باشقا سۇپىلارغا كۆچۈرۈپ ئىشلىتىش قاتتىق مەنئى قىلىنىدۇ. باشقا سۇپىلارغا كۆچۈرۈپ ئىشلەتكەندە مەنبەسى، ئەسلىي ماۋزۇسى، ئاپتورنىڭ ئىسمى ئەسكەرتىلىشى كېرەك، يادرولۇق مەزمۇنىنى ئۆزگەرتىشكە بولمايدۇ. ۋېيشىن دوستلار چەمبىرىكىگە، دوستلارغا ھەمبەھرىلەپ قويۇشىڭىزنى قارشى ئالىمىز.)