خۇرۇچلىرى: ئاق ئۇندىن بىر كىلوگىرام، قوناق ئۇنىدىن 800 گىرام، شېكەردىن 100 گىرام، خېمىرتۇرۇچتىن مۇۋاپىق مىقداردا.

　ئېتىش ئۇسۇلى: 1. ئاق ئۇنغا مۇۋاپىق مىقداردا خېمىرتۇرۇچ سېلىپ، خېمىر يۇغۇرۇپ تىندۇرىمىز. قوناق ئۇنىغىمۇ شېكەر، خېمىرتۇرۇچ سېلىپ ئىلمان سۇدا خېمىر يۇغۇرۇپ تىندۇرىمىز. 2. ئاق ئۇن خېمىرىغا قايتا ئىشلەپ، بېسىپ ياپىلاقلاپ، 10 مىنۇت تىندۇرۇپ، نوغۇچ بىلەن ئىككى مىللىمېتىر قېلىنلىقتا يېيىپ، ئۈستىگە قوناق ئۇنى خېمىرىنى تەكشى يېيىتىپ، ئاق ئۇن خېمىرىنىڭ بىر چېتىدىن ئىچىگە قارىتىپ يۆگەپ، يەنە 10 مىنۇت تىندۇرىمىز، ئاندىن قاسقانغا سېلىپ كۈچلۈك ئوتتا 30 مىنۇت دۈملەپ پىشۇرۇپ، سەل سوۋۇغاندا سەككىز سانتىمېتىر ئەتراپىدا توغراپ، تەخسىگە چىرايلىق تىزىپ ئىستېمال قىلساق بولىدۇ.

　تەبىئىتى: سوغۇق. 

پايدىلانغان مەنبە: شىنجاڭ خەلق نەشرىياتى نەشر قىلغان «يېمەك- ئىچمەك رىسالىسى»ناملىق كىتاب

(نەشر ھوقۇقىغا ئىگە ئەسەر، ھوقۇق بېرىلمىگەن ئەھۋالدا باشقا سۇپىلارغا كۆچۈرۈپ ئىشلىتىش قاتتىق مەنئى قىلىنىدۇ. باشقا سۇپىلارغا كۆچۈرۈپ ئىشلەتكەندە مەنبەسى، ئەسلىي ماۋزۇسى، ئاپتورنىڭ ئىسمى ئەسكەرتىلىشى كېرەك، يادرولۇق مەزمۇنىنى ئۆزگەرتىشكە بولمايدۇ. ۋېيشىن دوستلار چەمبىرىكىگە، دوستلارغا ھەمبەھرىلەپ قويۇشىڭىزنى قارشى ئالىمىز.)