خۇرۇچلىرى:  ئۇن ئىككى پىيالە، سېرىق ماي بىر پىيالە، تۇخۇم ئىككى دانە، سۇ بىر پىيالە، ھاراق ئىككى كىچىك قوشۇق، تۇز بىر چىمدىم.

　پىشۇرۇش ئۇسۇلى: 1 قۇرۇق ئەمبەلگە ئۇننى يېيىپ ئۈستىگە سېرىق ماينى  پىچاق بىلەن نېپىز توغراپ تەكشى يايىمىز، پىچاق بىلەن ئۇن، سېرىق ماينى ئارىلاشتۇرۇپ يەنە توغرايمىز. ئۇن بىلەن ماي تېرىقتەك تۈگۈرچەك بولغاندىن كېيىن جاۋۇرغا ئېلىۋالىمىز. 2. تۇخۇمنى چېلىۋېلىپ جاۋۇردىكى ئۇنغا تۇخۇم، سۇ، ھاراق، تۇزلارنى سېلىپ، ياخشى ئارىلاشتۇرۇپ خېمىر يۇغۇرىمىز، خېمىرنى ئوبدان قاندۇرۇپ چەيلەپ ئالتىدىن سەككىزگىچە زۇۋۇلا قىلىپ، سولياۋ خالتىغا سېلىپ، توڭلاتقۇغا يېرىم سائەتچە سېلىپ قويىمىز. 3. دۇخوپكىنى قىزىتىپ، زۇۋۇلا قىلىنغان خېمىرنى نوغۇچ بىلەن نېپىز يېيىپ، لېسنى ياغلاپ، يايغان خېمىرنى بىر- بىرلەپ دۇخوپكىغا سېلىپ پىشۇرىمىز، خېمىر سەل كۆتۈرۈلگەندە ۋىلكا بىلەن تېشىپ قويىمىز. ھەربىر قەۋىتى پىشىپ بولغاندا، لېستىن ئېلىپ قېتىپ قالماسلىقى ئۈچۈن داستىخان بىلەن يۇگەپ قويىمىز. 4. ھەربىر قەۋەت ئۈستىگەبىر قۇر كىرىم سۈركەيمىز، ئۈستى قەۋىتىگە كىرىم سۈركەپ، ئۇنىڭ ئۈستىگە شېكەرنى يانجىپ سېپىمىز.

　كىرىم: بىر پىيالە ئىرىسنى بىر پىيالە سېرىق مايغا قوشۇپ كۆپتۈرۈپ ياسىلىدۇ.

　تەبىئىتى: ئىسسىق.

پايدىلانغان مەنبە: شىنجاڭ خەلق نەشرىياتى نەشر قىلغان «يېمەك- ئىچمەك رىسالىسى»ناملىق كىتاب

(نەشر ھوقۇقىغا ئىگە ئەسەر، ھوقۇق بېرىلمىگەن ئەھۋالدا باشقا سۇپىلارغا كۆچۈرۈپ ئىشلىتىش قاتتىق مەنئى قىلىنىدۇ. باشقا سۇپىلارغا كۆچۈرۈپ ئىشلەتكەندە مەنبەسى، ئەسلىي ماۋزۇسى، ئاپتورنىڭ ئىسمى ئەسكەرتىلىشى كېرەك، يادرولۇق مەزمۇنىنى ئۆزگەرتىشكە بولمايدۇ. ۋېيشىن دوستلار چەمبىرىكىگە، دوستلارغا ھەمبەھرىلەپ قويۇشىڭىزنى قارشى ئالىمىز.)