خۇرۇچلىرى: سېرىق ماي بىر پىيالە، ئاق شېكەر يېرىم پىيالە، تۇخۇم ئىككى دانە، سودا كىچىك بىر قوشۇق، كاكائو ئىككى قوشۇق، قېتىق ئىككى قوشۇق، يېتەرلىك ئۇن.

　پىشۇرۇش ئۈسۈلى: 1 سېرىق ماينى جاۋۇرغا سېلىپ، چېلىپ كۆپتۈرۈپ، ئۇنىڭغا شېكەر، تۇخۇم قوشۇپ، يەنە چېلىپ كۆپۈك چىققۇچە كۆپتۈرىمىز. 2. كاكائونى قايناق سۇغا سېلىپ ئېرىتىپ ئۇماچ ھالەتكە كەلتۈرۈپ، قېتىق، ئۇن بىلەن بىللە جاۋۇردىكى ياغنىڭ ئۈستىگە سېلىپ، ئارىلاشتۇرۇپ، تورتنىڭ خېمىرىنى بوش قىلىپ تەييارلايمىز. 3. لېسنى تەكشى ياغلاپ، ئۇن سېپىپ، خېمىرنى ئىككىگە بۆلۈپ، لېسقا يېيىتىپ تۆكۈپ، قىزىتىلغان دۇخوپكىدا بىر- بىرلەپ پىشۇرىمىز. تورتنىڭ بىر قەۋىتىگە كىرىم سۈركەپ، ئۈستىگە يەنە بىر قەۋەت تورتنى قويۇپ، ئۈستىگە شاكىلاتنى پىچاق بىلەن قىرىپ تەكشى يېيىتىپ بېزەپ، تورتنى تۆت بۇرجەك شەكلىدە كېسىپ، ئىستېمال قىلساق بولىدۇ.

　كىرىم: بىر پىيالە سۈتكە يېرىم پىيالە شېكەر سېلىپ قاينىتىپ، ئۇنىڭغا پۈتۈن بىر شاكىلاتنى پىچاق بىلەن ئۇۋاپ ئېزىپ سالىمىز، ئاندىن ئون مىنۇتتەك قاينىتىپ كىرىم تەييارلايمىز. 

پايدىلانغان مەنبە: شىنجاڭ خەلق نەشرىياتى نەشر قىلغان «يېمەك- ئىچمەك رىسالىسى»ناملىق كىتاب

(نەشر ھوقۇقىغا ئىگە ئەسەر، ھوقۇق بېرىلمىگەن ئەھۋالدا باشقا سۇپىلارغا كۆچۈرۈپ ئىشلىتىش قاتتىق مەنئى قىلىنىدۇ. باشقا سۇپىلارغا كۆچۈرۈپ ئىشلەتكەندە مەنبەسى، ئەسلىي ماۋزۇسى، ئاپتورنىڭ ئىسمى ئەسكەرتىلىشى كېرەك، يادرولۇق مەزمۇنىنى ئۆزگەرتىشكە بولمايدۇ. ۋېيشىن دوستلار چەمبىرىكىگە، دوستلارغا ھەمبەھرىلەپ قويۇشىڭىزنى قارشى ئالىمىز.)