خۇرۇچلىرى: قوناق ئۇنىدىن 600 گىرام، لوق گۆشتىن 200 گىرام، سۇياغدىن 100 گىرام، شوخلا، كۆك ۋە قىزىل لازىلاردىن بىر تالدىن، قىزىل ۋە سېرىق سەۋزە، چامغۇرلاردىن بىر باشتىن، ئاق لاڭخادىن بەش يوپۇرماق، پالەكتىن بەش تۈپ؛ پىياز، سامساق، زەنجىۋىل، تۇز، جاڭيۇ، ۋېيجىڭلاردىن مۇۋاپىق مىقداردا.

　ئېتىش ئۇسۇلى: 1. قوناق ئۇنىنى بىر قاچىغا سېلىپ، مۇۋاپىق مىقداردا سوغۇق سۇ قۇيۇپ قوچۇپ سۇيۇلدۇرۇۋېلىپ، قازاندىكى سۇ قاينىغاندا قازانغا قۇيۇپ نوغۇچ بىلەن ئارىلاشتۇرىمىز، زاڭ قايناپ قويۇلۇپ پىشقاندا قازاننىڭ ئوتىنى ئۆچۈرىمىز. 2. گۆشنى ئۇششاق، نېپىز توغرايمىز. باشقا كۆكتاتلارنىمۇ ئېھتىياجغا قاراپ ماسلاشتۇرۇپ توغرايمىز. 3. ساپلىق قازانغا سۇياغ قۇيۇپ قىزىتىپ، گۆشنى سېلىپ قورۇپ، پىياز، سامساق، زەنجىۋىللەرنى سېلىپ داغلاپ، باشقا كۆكتاتلارنى نۆۋىتى بويىچە سېلىپ قورۇيمىز ۋە تۇز- تەمىنى تەڭشەپ، شورپىلىقراق قىلىمىز. ئاخىرىدا زاڭنى قاچىغا ئۇسۇپ، ئۈستىگە قورۇمىنى سېلىپ ئىستېمال قىلساق بولىدۇ.

　تەبىئىتى: ھۆل سوغۇق.

پايدىلانغان مەنبە: شىنجاڭ خەلق نەشرىياتى نەشر قىلغان «يېمەك- ئىچمەك رىسالىسى»ناملىق كىتاب

(نەشر ھوقۇقىغا ئىگە ئەسەر، ھوقۇق بېرىلمىگەن ئەھۋالدا باشقا سۇپىلارغا كۆچۈرۈپ ئىشلىتىش قاتتىق مەنئى قىلىنىدۇ. باشقا سۇپىلارغا كۆچۈرۈپ ئىشلەتكەندە مەنبەسى، ئەسلىي ماۋزۇسى، ئاپتورنىڭ ئىسمى ئەسكەرتىلىشى كېرەك، يادرولۇق مەزمۇنىنى ئۆزگەرتىشكە بولمايدۇ. ۋېيشىن دوستلار چەمبىرىكىگە، دوستلارغا ھەمبەھرىلەپ قويۇشىڭىزنى قارشى ئالىمىز.)