خۇرۇچلىرى: چۈچۈتۈلگەن سۈزۈك سۇياغ بىر پىيالە، تۇخۇم ئۈچ دانە، ھەسەل لىق بىر پىيالە، شېكەر ئازكام بىر پىيالە، سودا كىچىك بىر قوشۇق، ئۇن تۆت پىيالە، ئۈستىگە سېپىلىدىغان شېكەر يېرىم پىيالە.

　 پىشۇرۇش ئۇسۇلى: 1. تۇخۇم، شېكەرلەرنى چوڭقۇرراق قاچىغا سېلىپ قويۇقلاشقۇچە كۆپتۈرىمىز، كۆپتۈرۈپ بولغاندىن كېيىن ھەسەل قۇيۇپ يەنە كۆپتۈرىمىز. 2. سۇياغنى ئوبدان چۈچۈتۈپ، كۆپتۈرۈلگەن خۇرۇچنىڭ ئۈستىگە قۇيۇپ، تولۇق ئارىلاشتۇرۇپ، ئاخىرىدا سودا، ئۇنلارنى سېلىپ بوشراق خېمىر تەييارلاپ ئازراق تىندۇرىمىز. 3. دۇخوپكىنى 10 مىنۇت ئىلگىرى قىزىتىپ، پاكىز لېسنى ئازراق ياغلايمىز. تىندۇرۇلغان  خېمىردا ياڭاقتىن سەل چوڭراق زۇۋۇلا قىلىپ، تەخسىدىكى شېكەرگە بوشراق بېسىپ، لېسقا ئارىلىقىنى سەل يىراق قويۇپ رەتلىك تىزىپ، دۇخوپكىغا سېلىپ پىشۇرۇۋالساق بولىدۇ.

　تەبىئىتى: ئىسسىق. 

پايدىلانغان مەنبە: شىنجاڭ خەلق نەشرىياتى نەشر قىلغان «يېمەك- ئىچمەك رىسالىسى»ناملىق كىتاب

(نەشر ھوقۇقىغا ئىگە ئەسەر، ھوقۇق بېرىلمىگەن ئەھۋالدا باشقا سۇپىلارغا كۆچۈرۈپ ئىشلىتىش قاتتىق مەنئى قىلىنىدۇ. باشقا سۇپىلارغا كۆچۈرۈپ ئىشلەتكەندە مەنبەسى، ئەسلىي ماۋزۇسى، ئاپتورنىڭ ئىسمى ئەسكەرتىلىشى كېرەك، يادرولۇق مەزمۇنىنى ئۆزگەرتىشكە بولمايدۇ. ۋېيشىن دوستلار چەمبىرىكىگە، دوستلارغا ھەمبەھرىلەپ قويۇشىڭىزنى قارشى ئالىمىز.)