خۇرۇچلىرى: تۇخۇم ئۈچ دانە، ئاق شېكەر بىر پىيالە، ئۇن بىر پىيالە، قىزغۇچ ۋارىنە بىر پىيالە.

　پىشۇرۇش ئۇسۇلى: 1. پاكىز، قۇرۇق قاچىغا تۇخۇمنى چېقىپ، توڭلاتقۇدا 20 مىنۇت تۇرغۇزىمىز، تۇخۇمنى توڭلاتقۇدىن ئېلىپ، چېلىپ ئاپئاق كۆپكەندە شېكەر سېلىپ يەنە كۆپتۈرىمىز. تۇخۇم تازا قويۇقلاشقاندا ئۇننى ئاز- ئازدىن سېلىپ، تەكشى ئارىلاشتۇرۇپ، تورت خېمىرىنى تەييارلايمىز. 2. دۇخوپكىنى ياخشى قىزىتىپ، لېسنى تەكشى ياغلاپ، ئازراق ئۇن سېپىپ، خېمىرنى لېسقا بەش مىللىمېتىر قېلىنلىقتا قۇيۇپ، تېز پىشۇرۇۋالىمىز. دۇخوپكىنىڭ تۈز تۇرۇشىغا، ئاغزىنى ئاچماي پىشۇرۇشقا دىققەت قىلىش كېرەك. 3. تورتنى لېستىن ئېلىشتا لېسنىڭ چۆرىسىنى پىچاق بىلەن بوشىتىپ تورتنى ئەمبەلگە چۈشۈرۈۋالىمىز. تورت ئىسسىق ۋاقتىدىلا ئۇنىڭغا ئۈچ مىللىمېتىر قېلىنلىقتا ۋارىنە سۈرتۈپ، بىر باشتىن چىڭ تۇتۇپ يۆگەيمىز. يۆگەلگەن تورت سوۋۇغاندا خالىغان قېلىنلىقتا كېسىپ تەخسىگە تىزساق بولىدۇ.

　تەبىئىتى: ئىسسىق. 

پايدىلانغان مەنبە: شىنجاڭ خەلق نەشرىياتى نەشر قىلغان «يېمەك- ئىچمەك رىسالىسى»ناملىق كىتاب

(نەشر ھوقۇقىغا ئىگە ئەسەر، ھوقۇق بېرىلمىگەن ئەھۋالدا باشقا سۇپىلارغا كۆچۈرۈپ ئىشلىتىش قاتتىق مەنئى قىلىنىدۇ. باشقا سۇپىلارغا كۆچۈرۈپ ئىشلەتكەندە مەنبەسى، ئەسلىي ماۋزۇسى، ئاپتورنىڭ ئىسمى ئەسكەرتىلىشى كېرەك، يادرولۇق مەزمۇنىنى ئۆزگەرتىشكە بولمايدۇ. ۋېيشىن دوستلار چەمبىرىكىگە، دوستلارغا ھەمبەھرىلەپ قويۇشىڭىزنى قارشى ئالىمىز.)