خۇرۇچلىرى: قوغۇن ئېتى بىر كىلوگىرام، شېكەر 600 گىرام، لىمون بىر يېرىم دانە ياكى لىمون جەۋھىرى 25 گىرام، سۇ 800 گىرام.

　تەييارلاش ئۇسۇلى: 1. قوغۇن ئېتىنى كىچىك چاقماق قەنت چوڭلۇقتا توغراپ، سىرلىق كورىغا سالىمىز، 200 گىرام شېكەرنى سېلىپ، ئارىلاشتۇرۇپ، سىرلىق كورىنىڭ ئاغزىنى يېپىپ قويۇپ قويىمىز. 2. شېكەر ئېرىپ بولغاندا قوغۇن ئېتىنى سۈزۈۋېلىپ، قوغۇن شىرنىسىگە ئۆلچەمدىكى سۇنى قۇيۇپ، يەنە 200 گىرام شېكەر سېلىپ، بوش ئوتتا 20 مىنۇتچە قاينىتىمىز، قوغۇن ئېتىنى سېلىپ يەنە بەش مىنۇتچە قاينىتىپ، ئوتتىن ئېلىپ 12 سائەت قويۇپ قويىمىز. 3. ئۇنى يەنە بوش ئوتتا ئىككى- ئۈچ مىنۇت قاينىتىپ سۈزۈۋېلىپ، سۈيىگە قالغان 200 گىرام شېكەرنى سېلىپ ئېرىتىمىز، ئۈستىگە لىمون شىرنىسى ياكى لىمون جەۋھىرى ئېرىتمىسىنى قوشۇپ ئارىلاشتۇرۇپ 20 مىنۇتچە قاينىتىمىز، ئاندىن قوغۇن ئېتىنى سېلىپ تۆت- بەش مىنۇت بوش ئوتتا قايناتقاندىن كېيىن ئوتتىن ئالىمىز. كورىنىڭ ئاغزىنى ئوچۇق قويۇپ، سوۋۇتۇپ قاچىغا ئېلىپ، سالقىن، قۇرغاق جايدا ساقلاپ ئىستېمال قىلساق بولىدۇ.

　تەسىرى: بەدەندە ھۆللۈك پەيدا قىلىپ، خىلىت ھاسىل قىلىدۇ، سۈيدۈكنى ھەيدەپ، توسالغۇلارنى ئاچىدۇ، تەرەتنى بوشىتىدۇ، بوۋاسىرغا، قەۋزىيەتكە شىپا بولىدۇ. 

　تەبىئىتى: مۆتىدىل.

　پايدىلانغان مەنبە: شىنجاڭ خەلق نەشرىياتى نەشر قىلغان «يېمەك- ئىچمەك رىسالىسى»ناملىق كىتاب

(نەشر ھوقۇقىغا ئىگە ئەسەر، ھوقۇق بېرىلمىگەن ئەھۋالدا باشقا سۇپىلارغا كۆچۈرۈپ ئىشلىتىش قاتتىق مەنئى قىلىنىدۇ. باشقا سۇپىلارغا كۆچۈرۈپ ئىشلەتكەندە مەنبەسى، ئەسلىي ماۋزۇسى، ئاپتورنىڭ ئىسمى ئەسكەرتىلىشى كېرەك، يادرولۇق مەزمۇنىنى ئۆزگەرتىشكە بولمايدۇ. ۋېيشىن دوستلار چەمبىرىكىگە، دوستلارغا ھەمبەھرىلەپ قويۇشىڭىزنى قارشى ئالىمىز.)