خۇرۇچلىرى: قوناق ئۇنىدىن 800 گىرام، ئاق ئۇندىن 200 گىرام، ئەبجەش ياغدىن 100 گىرام، بەسەيدىن 300 گىرام، پالەك ياكى جۈسەيدىن 100 گىرام، سېمىز گۆشتىن 300 گىرام، پىيازدىن 100 گىرام، تۇز، كاۋاۋىچىن، ئاقمۇچتىن مۇۋاپىق مىقداردا.

　ئېتىش ئۇسۇلى: 1. ئىككى خىل ئۇننى تەكشى ئارىلاشتۇرۇپ، قايناق سۇ بىلەن خېمىر يۇغۇرىمىز. 2. گۆشنى ئۇششاق توغرايمىز. كۆكتاتلارنىمۇ ماسلاشتۇرۇپ ئۇششاق توغراپ، تۇز، كاۋاۋىچىن، ئاقمۇچ، ئەبجەش ياغ سېلىپ، گۆش، پىيازلارغا قوشۇپ قىيما تەييارلايمىز. 3. خېمىرنى تۇخۇمدەك زۇۋۇلا ئۈزۈپ، ئالىقانغا ئېلىپ يالپاقلاپ، ئىچىگە قىيما ئېلىپ، مانتا شەكلىدە تۈگۈپ، قاسقانغا سېلىپ 20 مىنۇت دۈملەپ پىشۇرۇپ ئىستېمال قىلساق بولىدۇ. (ئەتكەن قىزىل لازا، ئاچچىقسۇغا تەگكۈزۈپ ئىستېمال قىلساق تېخىمۇ يېيىشلىك بولىدۇ).

　تەبىئىتى: سوغۇق. 

پايدىلانغان مەنبە: شىنجاڭ خەلق نەشرىياتى نەشر قىلغان «يېمەك- ئىچمەك رىسالىسى»ناملىق كىتاب

(نەشر ھوقۇقىغا ئىگە ئەسەر، ھوقۇق بېرىلمىگەن ئەھۋالدا باشقا سۇپىلارغا كۆچۈرۈپ ئىشلىتىش قاتتىق مەنئى قىلىنىدۇ. باشقا سۇپىلارغا كۆچۈرۈپ ئىشلەتكەندە مەنبەسى، ئەسلىي ماۋزۇسى، ئاپتورنىڭ ئىسمى ئەسكەرتىلىشى كېرەك، يادرولۇق مەزمۇنىنى ئۆزگەرتىشكە بولمايدۇ. ۋېيشىن دوستلار چەمبىرىكىگە، دوستلارغا ھەمبەھرىلەپ قويۇشىڭىزنى قارشى ئالىمىز.)