خۇرۇچلىرى: سېرىق ماي بىر پىيالە، تۇخۇم تۆت دانە، ئالما ئىككى دانە، ئاق شېكەر بىر يېرىم پىيالە، ئۇن ئۈچ پىيالە، سۈت ياكى قېتىق بىر پىيالە، سودا ئىككى قوشۇق،

　پىشۇرۇش ئۇسۇلى:1. ئالدى بىلەن تۇخۇمنى چېلىپ كۆپتۈرۈپ، ئاندىن شېكەرنى سېلىپ، يەنە ئاقارغۇچە كۆپتۈرىمىز. 2. سېرىق ماينى جاۋۇرغا قۇيۇپ بوش ئوتتا ئېرىتىپ، ئېرىپ بولغاندىن كېيىن ئوتتىن ئېلىپ سوۋۇتىمىز، ئاندىن كۆپتۈرۈلگەن تۇخۇم بىلەن بىرلەشتۈرۈپ، ئۇنىڭغا سودانى سېلىپ ياخشى ئارىلاشتۇرۇپ، سۈت قۇيۇپ، ئارقىدىن ئۇننى سېلىپ خېمىر تەييارلايمىز. 3.  ئالمىنى ئاقلاپ، ئوتتۇرىسىنى يېرىپ، ئۇرۇقىنى ئېلىۋېتىپ، ئىككى- ئۈچ مىللىمېتىر نېپىزلىكتە توغرايمىز. 4. دۇخوپكىنى قىزىتىپ، لېسنى تەكشى ياغلاپ، تورتنىڭ خېمىرىنى بىر سانتىمېتىر قېلىنلىقتا لېسقا قۇيۇپ، توغرالغان ئالمىنى ئۈستىگە رەتلىك تىزىپ دۇخوپكىغا سالىمىز، تورت 20 مىنۇتتا سارغىيىپ، مەززىلىك پۇراق چىقىرىپ پىشىپ چىقىدۇ. تورتنى لېستىن ئېلىپ تۆت چاسا كېسىپ ئىستېمال قىلساق بولىدۇ.

　تەبىئىتى: ئىسسىق. 

پايدىلانغان مەنبە: شىنجاڭ خەلق نەشرىياتى نەشر قىلغان «يېمەك- ئىچمەك رىسالىسى»ناملىق كىتاب

(نەشر ھوقۇقىغا ئىگە ئەسەر، ھوقۇق بېرىلمىگەن ئەھۋالدا باشقا سۇپىلارغا كۆچۈرۈپ ئىشلىتىش قاتتىق مەنئى قىلىنىدۇ. باشقا سۇپىلارغا كۆچۈرۈپ ئىشلەتكەندە مەنبەسى، ئەسلىي ماۋزۇسى، ئاپتورنىڭ ئىسمى ئەسكەرتىلىشى كېرەك، يادرولۇق مەزمۇنىنى ئۆزگەرتىشكە بولمايدۇ. ۋېيشىن دوستلار چەمبىرىكىگە، دوستلارغا ھەمبەھرىلەپ قويۇشىڭىزنى قارشى ئالىمىز.)