خۇرۇچلىرى: پىشقان، تاتلىق، سۇلۇق، رەڭگى كۆك قوغۇننىڭ ئېتىدىن 600 گىرام، ھەسەل 120 گىرام، ئارپا شېكىرى 150 گىرام، لىمون يېرىم دانە، سۇ 50  گىرام.

　ئېتىش ئۇسۇلى: 1. لىموننى سىقىپ شىرنىسىنى چىقىرىۋالىمىز. 2. قوغۇن ئېتىنى ئۇششاق توغراپ، مېۋە ئەزگۈچكە سېلىپ ئېزىپ، سىرلىق كورىغا تۆكۈپ سۇ، لىمون شىرنىسى ۋە ھەسەلنى قوشۇپ ئارىلاشتۇرىمىز. 3. ئۇنى ئوتقا قويۇپ بوش ئوتتا قايناتقاچ توختىماستىن ئارىلاشتۇرىمىز، سۈيى ئاز قالغاندا ئارپا شېكىرىنى قوشۇپ، يەنە بوش ئوتتا توختىماستىن ئارىلاشتۇرۇپ قويۇلغۇچە قاينىتىمىز. 4. قويۇلۇپ ھالۋىدەك بولغاندا ئوتتىن ئالىمىز، سوۋۇغاندا قۇرۇق، پاكىز قاچىغا ئېلىپ، سالقىن، قۇرغاق جايدا ساقلاپ ئىستېمال قىلىمىز.

　تەسىرى: بەدەندە ھۆللۈك پەيدا قىلىدۇ، خىلىت ھاسىل قىلىدۇ. سۈيدۈكنى ھەيدەپ، توسالغۇلارنى ئاچىدۇ، چوڭ تەرەتنى بوشىتىدۇ، بوۋاسىرغا، قەۋزىيەتكە شىپا بولىدۇ.

　تەبىئىتى: مۆتىدىل.

پايدىلانغان مەنبە: شىنجاڭ خەلق نەشرىياتى نەشر قىلغان «يېمەك- ئىچمەك رىسالىسى»ناملىق كىتاب

(نەشر ھوقۇقىغا ئىگە ئەسەر، ھوقۇق بېرىلمىگەن ئەھۋالدا باشقا سۇپىلارغا كۆچۈرۈپ ئىشلىتىش قاتتىق مەنئى قىلىنىدۇ. باشقا سۇپىلارغا كۆچۈرۈپ ئىشلەتكەندە مەنبەسى، ئەسلىي ماۋزۇسى، ئاپتورنىڭ ئىسمى ئەسكەرتىلىشى كېرەك، يادرولۇق مەزمۇنىنى ئۆزگەرتىشكە بولمايدۇ. ۋېيشىن دوستلار چەمبىرىكىگە، دوستلارغا ھەمبەھرىلەپ قويۇشىڭىزنى قارشى ئالىمىز.)