خۇرۇچلىرى: قوناق ئۇنىدىن 500 گىرام، لوق گۆشتىن 100 گىرام، پىيازدىن بىر باش، چامغۇردىن ئىككى باش، شوخلا، پالەك، پىننە، كۆك ۋە قىزىل لازىلاردىن ئازراقتىن، تۇز، ئاقمۇچ مۇۋاپىق مىقداردا.

　ئېتىش ئۇسۇلى: 1. چامغۇرنى نېپىز توغراپ، قايناۋاتقان قازانغا سالىمىز. 2. گۆش بىلەن پىيازنى ئۇششاق توغراپ، بىر قاچىغا سېلىپ، تۇز، ئاقمۇچ سېلىپ، سوغۇق سۇ قۇيۇپ چىلاپ قويىمىز. 3. قوناق ئۇنىغا ئازراق تۇز سېلىپ، قايناق سۇ بىلەن خېمىر يۇغۇرىمىز، خېمىر سەل سوۋۇغاندا ئەمبەلگە قويۇپ، بارماق توملۇقىدا پىلتا قىلىپ، گۈلە چوڭلۇقىدا زۇۋۇلا ئۈزۈپ (كەسسىمۇ بولىدۇ) زۇۋۇلىنى ئالىقانغا ئېلىپ يۇمىلاقلاپ، ئوتتۇرىسىغا بارماقنى پاتۇرۇپ، ئويماق چىقىرىپ ھەممىسىنى شۇ ئۇسۇلدا تەييارلىۋالىمىز. ئاندىن قايناۋاتقان قازانغا سېلىپ پىشۇرۇپ، ئۈستىگە تەييارلىۋالغان قىيما بىلەن كۆكتات توغرالمىلىرىنى سېلىپ بىر قاينىتىپ، تۇز- تەمىنى تەڭشەپ ئىستېمال قىلساق بولىدۇ.

　تەبىئىتى: ھۆل سوغۇق.

پايدىلانغان مەنبە: شىنجاڭ خەلق نەشرىياتى نەشر قىلغان «يېمەك- ئىچمەك رىسالىسى»ناملىق كىتاب

(نەشر ھوقۇقىغا ئىگە ئەسەر، ھوقۇق بېرىلمىگەن ئەھۋالدا باشقا سۇپىلارغا كۆچۈرۈپ ئىشلىتىش قاتتىق مەنئى قىلىنىدۇ. باشقا سۇپىلارغا كۆچۈرۈپ ئىشلەتكەندە مەنبەسى، ئەسلىي ماۋزۇسى، ئاپتورنىڭ ئىسمى ئەسكەرتىلىشى كېرەك، يادرولۇق مەزمۇنىنى ئۆزگەرتىشكە بولمايدۇ. ۋېيشىن دوستلار چەمبىرىكىگە، دوستلارغا ھەمبەھرىلەپ قويۇشىڭىزنى قارشى ئالىمىز.)