خۇرۇچلىرى: خاسىڭدىن 600 گىرام، ھەسەلدىن 200 گىرام، ئارپا شېكىرىدىن 150 گىرام، لىموندىن بىر دانە ياكى لىمون جەۋھىرىدىن ئىككى گىرام، سۇ مۇۋاپىق مىقداردا.

　ئېتىش ئۇسۇلى: 1. خاسىڭنى قۇرۇق قازانغا سېلىپ، بوش ئوتتا كۆيدۈرۈۋەتمەي قورۇپ پوستىدىن ئايرىيمىز. 2. پوستىدىن ئايرىلغان خاسىڭنى سىرلىق كورىغا سېلىپ، ئۈستىگە چىلاشقۇدەك سۇ قۇيۇپ، ئوتتا قويۇپ، بىر قاينىتىپلا ئوتنى ئۆچۈرۈپ دۈملەيمىز. 3. لىموننى سىقىپ، شىرنىسىنى چىقىرىپ ئىشلىتىشكە تەييارلاپ قويىمىز. 4. دۈملىنىپ يۇمشىغان خاسىڭنى مېۋە ئەزگۈچكە سېلىپ ئۈستىگە ئازراق سۇ قۇيۇپ ئېزىپ ئۇماچتەك قىلىمىز. ئاندىن ئۇنى پاكىز سىرلىق كورىغا تۆكۈپ ئارىلاشتۇرىمىز. 5. ئۇماچتەك قىلىپ تەييارلانغان خاسىڭغا ھەسەل، ئارپا شېكىرىنى قوشۇپ تولۇق ئارىلاشتۇرۇپ، ئۈستىگە تەييارلاپ قويغان لىمون شىرنىسىنى قوشۇپ ئارىلاشتۇرۇپ، بوش ئوتتا ھالۋىدەك بولغۇچە توختىماي قوچۇپ قىزدۇرىمىز. ھالۋىدەك بولغاندا ئوتتىن ئالىمىز، سوۋۇغاندا، سوغۇق يەردە ساقلاپ ئىستېمال قىلساق بولىدۇ.

　تەسىرى: بەدەننى سەمرىتىش، ئىچىنى بوشىتىش، ئوزۇق بولۇش خۇسۇسىيىتىگە ئىگە.

　تەبىئىتى: مۆتىدىل.

　پايدىلانغان مەنبە: شىنجاڭ خەلق نەشرىياتى نەشر قىلغان «يېمەك- ئىچمەك رىسالىسى»ناملىق كىتاب

(نەشر ھوقۇقىغا ئىگە ئەسەر، ھوقۇق بېرىلمىگەن ئەھۋالدا باشقا سۇپىلارغا كۆچۈرۈپ ئىشلىتىش قاتتىق مەنئى قىلىنىدۇ. باشقا سۇپىلارغا كۆچۈرۈپ ئىشلەتكەندە مەنبەسى، ئەسلىي ماۋزۇسى، ئاپتورنىڭ ئىسمى ئەسكەرتىلىشى كېرەك، يادرولۇق مەزمۇنىنى ئۆزگەرتىشكە بولمايدۇ. ۋېيشىن دوستلار چەمبىرىكىگە، دوستلارغا ھەمبەھرىلەپ قويۇشىڭىزنى قارشى ئالىمىز.)