خۇرۇچلىرى: قوي يېغى بىر پىيالە، تۇخۇمنىڭ سېرىقى تۆت دانە، تۇخۇم ئىككى دانە، ئاق شېكەر بىر پىيالە، يانجىلغان ياڭاق مېغىزى بىر يېرىم پىيالە، قۇرۇق ئۈزۈم يېرىم پىيالە، سودا بىر قوشۇق، يېتەرلىك ئۇن.

　پىشۇرۇش ئۇسۇلى: 1. قوي يېغىنى جاۋۇرغا قۇيۇپ، بوش ئوتتا ئېرىتىپ، ئۇنىڭغا ياڭاق مېغىزى سېلىپ، ياڭاقنىڭ پۇرىقى چىققۇچە قورۇيمىز، يەنە بىر قاچىغا تۇخۇم، شېكەرنى چېلىپ كۆپتۈرۈپ، ئۇنى جاۋۇردىكى ياغ ئۈستىگە قۇيۇپ، ئارىلاشتۇرۇپ، سودا، ئۇن سېلىپ ئوتتىن ئالىمىز، ئاندىن قۇرۇق ئۈزۈم سېلىپ ئارىلاشتۇرىمىز. 2. چوڭقۇر لېسنى ياخشى ياغلاپ، ئۇن سېپىپ، تەييارلانغان خېمىرنى لېسقا قۇيىمىز، ئاندىن دۇخوپكىنى ئوبدان قىزىتىپ، پەس تېمپېراتۇرىدا 35- 40 مىنۇت ئەتراپىدا قويۇپ پىشۇرىمىز. 3. لېسنى دۇخوپكىغا سېلىشتىن بۇرۇن ئۈستىگە پىرەنىكتىن ئىككىنى نوغۇچ بىلەن ئۇۋاپ تورتنىڭ ئۈستىگە سېپىپ چىرايلىق بېزەيمىز.

　تەبىئىتى: ئىسسىق. 

پايدىلانغان مەنبە: شىنجاڭ خەلق نەشرىياتى نەشر قىلغان «يېمەك- ئىچمەك رىسالىسى»ناملىق كىتاب

(نەشر ھوقۇقىغا ئىگە ئەسەر، ھوقۇق بېرىلمىگەن ئەھۋالدا باشقا سۇپىلارغا كۆچۈرۈپ ئىشلىتىش قاتتىق مەنئى قىلىنىدۇ. باشقا سۇپىلارغا كۆچۈرۈپ ئىشلەتكەندە مەنبەسى، ئەسلىي ماۋزۇسى، ئاپتورنىڭ ئىسمى ئەسكەرتىلىشى كېرەك، يادرولۇق مەزمۇنىنى ئۆزگەرتىشكە بولمايدۇ. ۋېيشىن دوستلار چەمبىرىكىگە، دوستلارغا ھەمبەھرىلەپ قويۇشىڭىزنى قارشى ئالىمىز.)