خۇرۇچلىرى: يېڭى تۇخۇمدىن ئۈچ دانە، شورپىدىن ئىككى چىنە، كىراخمالدىن بەش گىرام، پالەكتىن بىر تۈپ، قىزىل لازىدىن بىر تال، يۇمغاقسۈتتىن ئىككى تۈپ؛ ئاقمۇچ، تۇز، ۋېيجىڭ، پىياز، كۈنجۈت يېغى، جياڭيۇ قاتارلىقلاردىن مۇۋاپىق مىقداردا.

　ئېتىش ئۇسۇلى: 1. قازانغا شورپا قۇيۇپ قاينىتىپ، تۇز، ئاقمۇچ، كىراخمال سېلىپ تەييارلايمىز. 2. تۇخۇمنى بىر قاچىغا چېقىپ ئۇزاق قوچۇپ، قايناۋاتقان شورپىغا يېيىلدۇرۇپ قۇيىمىز. 3. تۇخۇم ياپراقچىلىرى لەيلەپ چىققان ھامان كۆپۈكىنى ئېلىۋېتىپ، بىرنەچچە تامچە جياڭيۇ، ۋېيجىڭ، توغرالغان پالەك، يۇمغاقسۈت، پىياز، ئىككى توغرام قىزىل لازا سېلىپ تەمىنى قايتا تەڭشەپ، قاچىغا ئۇسۇپ، ئۈستىگە ئۈچ تامچە كۈنجۈت يېغى تېمىتىپ قويساق بولىدۇ.

　تەسىرى: ئاقسىل تولۇقلايدۇ. بۇ شورپا قېرى، ئاجىز، كېسەلچان كىشىلەرنىڭ ئىستېمال قىلىشىغا مۇۋاپىق كېلىدۇ.

　تەبىئىتى:مۆتىدىل.

پايدىلانغان مەنبە: شىنجاڭ خەلق نەشرىياتى نەشر قىلغان «يېمەك- ئىچمەك رىسالىسى»ناملىق كىتاب

(نەشر ھوقۇقىغا ئىگە ئەسەر، ھوقۇق بېرىلمىگەن ئەھۋالدا باشقا سۇپىلارغا كۆچۈرۈپ ئىشلىتىش قاتتىق مەنئى قىلىنىدۇ. باشقا سۇپىلارغا كۆچۈرۈپ ئىشلەتكەندە مەنبەسى، ئەسلىي ماۋزۇسى، ئاپتورنىڭ ئىسمى ئەسكەرتىلىشى كېرەك، يادرولۇق مەزمۇنىنى ئۆزگەرتىشكە بولمايدۇ. ۋېيشىن دوستلار چەمبىرىكىگە، دوستلارغا ھەمبەھرىلەپ قويۇشىڭىزنى قارشى ئالىمىز.)