خۇرۇچلىرى: لوق گۆشتىن 200 گىرام، سەۋزىدىن 50 گىرام، چامغۇردىن 50 گىرام، پالەكتىن تۆت تۈپ، سۇياغدىن 50 گىرام، شوخلىدىن بىر تال، پىياز، سامساق، تۇز، ئاقمۇچ، ۋېيجىڭ، جياڭيۇلاردىن مۇۋاپىق مىقداردا.

　ئېتىش ئۇسۇلى: 1. خېمىرنى چىڭ يۇغۇرۇپ تىندۇرىمىز ھەم ئۆزىمىز خالىغان كۆكتاتتىن قىيما قىلىپ جۇۋاۋا تۈگىمىز. 2. گۆشنى ئۇششاق توغرايمىز، سەۋزە، چامغۇرنى ئىككى سانتىمېتىر چوڭلۇقتا نېپىز توغرايمىز. باشقا كۆكتاتلارنىمۇ ماسلاشتۇرۇپ توغرايمىز. ساپلىق قازانغا سۇياغنى قۇيۇپ قىزىتىپ، توغرالغان گۆشنى سېلىپ پىششىق قورۇپ، پىياز، سامساق، سەۋزە، چامغۇر توغرالمىلىرىنى سېلىپ پىششىق قورۇپ، قالغان تېتىتقۇلارنى سېلىپ، يېتەرلىك سۇ قۇيۇپ قاينىتىپ پىشۇرىمىز. 3. ئايرىم قازانغا سۇ قۇيۇپ، جۇۋاۋىنى سېلىپ پىشۇرۇپ چوڭ چىنىلەرگە سۈزۈۋېلىپ، ئۈستىگە توغرالغان شوخلا، پالەك سېلىپ، تەييارلانغان قورۇما شورپىسىنى قۇيۇپ ئىستېمال قىلساق بولىدۇ.

　تەبىئىتى: ھۆل سوغۇق.

پايدىلانغان مەنبە: شىنجاڭ خەلق نەشرىياتى نەشر قىلغان «يېمەك- ئىچمەك رىسالىسى»ناملىق كىتاب

(نەشر ھوقۇقىغا ئىگە ئەسەر، ھوقۇق بېرىلمىگەن ئەھۋالدا باشقا سۇپىلارغا كۆچۈرۈپ ئىشلىتىش قاتتىق مەنئى قىلىنىدۇ. باشقا سۇپىلارغا كۆچۈرۈپ ئىشلەتكەندە مەنبەسى، ئەسلىي ماۋزۇسى، ئاپتورنىڭ ئىسمى ئەسكەرتىلىشى كېرەك، يادرولۇق مەزمۇنىنى ئۆزگەرتىشكە بولمايدۇ. ۋېيشىن دوستلار چەمبىرىكىگە، دوستلارغا ھەمبەھرىلەپ قويۇشىڭىزنى قارشى ئالىمىز.)