خۇرۇچلىرى: سۇياغ بىر پىيالە، ئاق شېكەر بىر پىيالە، تۇخۇم ئىككى دانە، كۈنجۈت بىر پىيالە، سۈت بىر پىيالە، سېرىق قوناق ئۇنى بىر چوڭ قوشۇق، ئۇن ئىككى پىيالە، سودا كىچىك بىر قوشۇق.

　پىشۇرۇش ئۇسۇلى: 1. سۇياغنى جاۋۇرغا قۇيۇپ، ئوتقا قويۇپ چۈچۈتۈپ، ئوتنى پەسەيتىپ، ئۇنىڭغا كۈنجۈتنى سېلىپ پۇرىقى چىققۇچە قورۇپ، ئۈستىگە سېرىق قوناق ئۇنىنى سېلىپ، بىر- ئىككى ئارىلاشتۇرۇپ ئوتتىن ئالىمىز. 2. ئايرىم قاچىدا تۇخۇم بىلەن شېكەرنى چېلىپ كۆپتۈرۈپ، ياغنىڭ ئۈستىگە قۇيۇپ تەكشى ئارىلاشتۇرۇپ، ئۈستىگە سودا سېلىپ چېلىپ كۆپتۈرۈپ، سۈت، ئۇن قوشۇپ بوشراق خېمىر تەييارلايمىز. 3. لېسنى تەكشى ياغلاپ، خېمىرنى چوڭقۇر لېسقا قۇيۇپ، قىزىغان دۇخوپكىغا سالىمىز. بۇنى سارغايتىپ پىشۇرىدىغان بولغاچقا، دۇخوپكىنى بىر ياندۇرۇپ، بىر ئۆچۈرۈپ تۇرۇپ پىشۇرىمىز، پىشۇرۇش ۋاقتى 35 مىنۇتتىن كەم بولماسلىقى كېرەك. پىشىپ چىققاندىن كېيىن بىر تۇخۇمنىڭ سېرىقىنى بىر قوشۇق شېكەر بىلەن چېلىپ كۆپتۈرۈپ، چوتكا بىلەن تورتنىڭ ئۈستىگە سۈركەيمىز، ئاندىن كۈنجۈتنى شېكەر بىلەن ئارىلاشتۇرۇپ تورتنىڭ ئۈستىگە چاچساق تورت تەييار بولىدۇ.

　تەبىئىتى: ئىسسىق.

پايدىلانغان مەنبە: شىنجاڭ خەلق نەشرىياتى نەشر قىلغان «يېمەك- ئىچمەك رىسالىسى»ناملىق كىتاب

(نەشر ھوقۇقىغا ئىگە ئەسەر، ھوقۇق بېرىلمىگەن ئەھۋالدا باشقا سۇپىلارغا كۆچۈرۈپ ئىشلىتىش قاتتىق مەنئى قىلىنىدۇ. باشقا سۇپىلارغا كۆچۈرۈپ ئىشلەتكەندە مەنبەسى، ئەسلىي ماۋزۇسى، ئاپتورنىڭ ئىسمى ئەسكەرتىلىشى كېرەك، يادرولۇق مەزمۇنىنى ئۆزگەرتىشكە بولمايدۇ. ۋېيشىن دوستلار چەمبىرىكىگە، دوستلارغا ھەمبەھرىلەپ قويۇشىڭىزنى قارشى ئالىمىز.)