نازىركۇم تىلغا ئېلىنسا، بەلكىم سىز توي- تۆكۈنلەردە ياكى سەھنىلەردە ئوينالغان ئۇسسۇلنى كۆز ئالدىڭىزغا كەلتۈرۈشىڭىز مۇمكىن، يېقىندا، تۆت يىگىت كوچا دوقمۇشىدا نازىركۇم ئويناپ، كۆپچىلىكنىڭ دىققىتىنى تارتتى.

　12- ئاينىڭ 1- كۈنى، Lalo拉罗 ئىسىملىك تورداش ئۆزىنىڭ ئۇسسۇل ئەترىتىدىكى ئەزالار بىلەن بىرلىكتە ئوينىغان نازىركۇمنى دوۋيىن نومۇرىدا ئېلان قىلدى ھەمدە بۇ سىننى يېقىندا ئۆتكۈزۈلگەن «ئاتۇش لوڭقىسى» پۇتبول مۇسابىقىسىدىكى چېمپىيون كوماندا تۇرپان كوماندىسىنىڭ غەلىبىسىگە بېغىشلايدىغانلىقىنى ئېيتتى. سىندا تۆت يىگىت كوچا دوقمۇشىدىكى پىيادىلەر يولىدا نازىركۇم ئوينىغان ۋە ئەنئەنىۋى ئۇسسۇلغا زامانىۋى كوچا ئۇسسۇلىنى بىرلەشتۈرۈپ، ئۆزگىچە ئىجادىيەتنى بارلىققا كەلتۈرگەن.

　سىن ئېلان قىلىنىپ، ھازىرغىچە 12مىڭدىن ئارتۇق يۈرەك بېرىلگەن، تورداشلار ئىنكاس يېزىپ: ناھايىتى ياخشى ئويناپسىلەر، سىلەرنىڭ داۋاملىق تىرىشىپ، تېخىمۇ يۇقىرى سەھنىلەردە چاقنىشىڭلارنى ئۈمىد قىلىمىز؛ سىلەرنىڭ ئوينىغىنىڭلارنى كۆرۈپ، مېنىڭمۇ سەكرەپلا مەيدانغا چۈشكۈم كەلدى؛ ئۇسسۇلۇڭلارنى بەك ياقتۇردۇم، ھازىرمۇ توختىماي كۆرۈۋاتىمەن دېگەندەك ئىنكاسلارنى قالدۇرغان.

(نەشر ھوقۇقىغا ئىگە ئەسەر، ھوقۇق بېرىلمىگەن ئەھۋالدا باشقا سۇپىلارغا كۆچۈرۈپ ئىشلىتىش قاتتىق مەنئى قىلىنىدۇ. باشقا سۇپىلارغا كۆچۈرۈپ ئىشلەتكەندە مەنبەسى، ئەسلىي ماۋزۇسى، ئاپتورنىڭ ئىسمى ئەسكەرتىلىشى كېرەك، يادرولۇق مەزمۇنىنى ئۆزگەرتىشكە بولمايدۇ. ۋېيشىن دوستلار چەمبىرىكىگە، دوستلارغا ھەمبەھرىلەپ قويۇشىڭىزنى قارشى ئالىمىز.)