شىنخۇا ئاگېنتلىقى، بېيجىڭ، 1- ئاينىڭ 15- كۈنى تېلېگراممىسى  دۆلەت رەئىسى شى جىنپىڭ 1- ئاينىڭ 14- كۈنى دانىيەنىڭ يېڭىدىن ۋەزىپىگە ئولتۇرغان پادىشاھى فرېدرىك Xغا تەبرىك تېلېگراممىسى ئەۋەتىپ، فرېدرىك Xنىڭ تەختكە ئولتۇرغانلىقىنى تەبرىكلىدى.   

　شى جىنپىڭ مۇنداق كۆرسەتتى: دىپلوماتىك مۇناسىۋەت ئورناتقان 74 يىلدىن بۇيان، جۇڭگو − دانىيە مۇناسىۋىتى ئۇچقاندەك تەرەققىي قىلىپ، ئىككى دۆلەتنىڭ ھەرقايسى ساھەلەردىكى ھەمكارلىق نەتىجىلىرى مول بولدى، خەلق ئارىسىدىكى دوستلۇق بارغانسېرى چوڭقۇرلاشتى. مەن جۇڭگو − دانىيە مۇناسىۋىتىنىڭ تەرەققىياتىغا يۈكسەك ئەھمىيەت بېرىمەن، پادىشاھ فرېدرىك X بىلەن بىرلىكتە تىرىشىپ، جۇڭگو − دانىيە ئومۇميۈزلۈك ئىستراتېگىيەلىك ھەمراھلىق مۇناسىۋىتىنىڭ ئۈزلۈكسىز يېڭى پەللىگە كۆتۈرۈلۈشىگە تۈرتكە بولۇپ، ئىككى دۆلەت خەلقلىرىگە تېخىمۇ كۆپ بەخت- سائادەت ئېلىپ كېلىشنى خالايمەن.              

　شۇ كۈنى، شى جىنپىڭ يەنە تېلېگرامما ئەۋەتىپ دانىيەنىڭ تەختتىن چۈشكەن سابىق ئايال پادىشاھى مارگېرىتⅡگە سالام يوللىدى ۋە بەخت تىلىدى.

(نەشر ھوقۇقىغا ئىگە ئەسەر، ھوقۇق بېرىلمىگەن ئەھۋالدا باشقا سۇپىلارغا كۆچۈرۈپ ئىشلىتىش قاتتىق مەنئى قىلىنىدۇ. باشقا سۇپىلارغا كۆچۈرۈپ ئىشلەتكەندە مەنبەسى، ئەسلىي ماۋزۇسى، ئاپتورنىڭ ئىسمى ئەسكەرتىلىشى كېرەك، يادرولۇق مەزمۇنىنى ئۆزگەرتىشكە بولمايدۇ. ۋېيشىن دوستلار چەمبىرىكىگە، دوستلارغا ھەمبەھرىلەپ قويۇشىڭىزنى قارشى ئالىمىز.)