كالتسىي مول يېمەكلىكلەر: كالتسىي كۆز توقۇلمىلىرىنىڭ قوغدىغۇچىسى، بەدەندە كالتسىي كەملىسە كۆرۈش تور پەردىسىنىڭ ئېلاستىكىلىقى ئاجىزلاپلا قالماي، كىرىستال تەنچىنىڭ بېسىمى ئارتىش، كۆز قارىچۇقىنىڭ ئالدى- كەينىدىكى مۇسكۇللار ئۇزىراش، مۈڭگۈز پەردە ۋە كىرپىكسىمان مۇسكۇلدا چېكىنىش مەنبەلىك كېسەللىك ئۆزگىرىشى پەيدا بولۇش قاتارلىق ئالامەتلەر كۆرۈلۈپ، ئادەمنىڭ كۆرۈش قۇۋۋىتى تۆۋەنلەپ كېتىدۇ ياكى يىراقنى كۆرەلمەسلىك كېسىلىگە گىرىپتار بولىدۇ. ئادەتتە راك، خەيدەي، دادۇر، كۆكتات، سۈت ۋە خاسىڭ قاتارلىق كالتسىيلىق يېمەكلىكلەرنى كۆپ يېگەندە، كۆز ساغلاملىقىغا پايدىلىق.

　سىنك مول يېمەكلىكلەر: قان تومۇرلۇق پەردە ۋە كۆرۈش تور پەردىسى سىنكنى كۆپ تەلەپ قىلىدۇ. كالا گۆشى، تۇخۇم، خاسىڭ، ياڭاق، ياڭيۇ، سەۋزە، شوخلا، ئالما قاتارلىق يېمەكلىكلەر تەركىبىدە سىنك مول، شۇڭا كۆزگە پايدىلىق يېمەكلىكلەر ھېسابلىنىدۇ.

　خىروم مول يېمەكلىكلەر: خىروم كۆرۈش قۇۋۋىتى ئاجىزلاش ۋە يىراقنى كۆرەلمەسلىك بىلەن زىچ مۇناسىۋەتلىك، شۇڭا ئوزۇقلانغاندا تەركىبىدە خىروم مول يېمەكلىكلەرنىمۇ يەپ بېرىش كېرەك. كالا گۆشى، قارامۇچ، قوناق، گۈرۈچ، قارا شېكەر ۋە ئۈزۈم شەربىتىدە خىروم مول.

　سېلىن مول يېمەكلىكلەر: بەدەندىكى سېلىن مۇۋاپىق مىقداردا بولسا، كۆرۈش قۇۋۋىتى ئۈنۈملۈك يۇقىرىلايدۇ. تۇخۇم، بېلىق، دادۇر، موگو، لۇخۇي ۋە سەۋزىدە سېلىن مول.

　ۋىتامىن A، ۋىتامىن C مول يېمەكلىكلەر: قىزىل، قىزغۇچ سېرىق رەڭلىك كۆكتاتلار ۋە مېۋىلەردە ۋىتامىن A مول، بولۇپمۇ سەۋزە، لازا، شوخلا، جۈزە، لىمون ۋە ئاق لوبودا تېخىمۇ كۆپ. بۇ يېمەكلىكلەردە ۋىتامىن Aدىن باشقا، كۆرۈش قۇۋۋىتى ئېھتىياجلىق ۋىتامىن Cمۇ بار.