ئانار بۇلۇت \ شىنجاڭ گېزىتى خەۋىرى (مۇخبىر چېن چياڭۋېي) مۇخبىرنىڭ يېقىندا ئۈرۈمچى دىۋوپۇ ئايروپورتى تاموژنىسىدىن ئىگىلىشىچە، 2- ئاينىڭ 6- كۈنى، بىر نۆۋەتچى ئايروپىلان ئۈرۈمچى دىۋوپۇ خەلقئارا ئايروپورتىدىن ئۇچۇپ لەنجوۋدا توختاپ ئوتتۇرىدا ئالماشقاندىن كېيىن ۋېيتنامنىڭ ياجۇاڭغا قاراپ ئۇچقان. بۇ، ئۈرۈمچى- لەنجوۋ- ياجۇاڭ بېرىش- كېلىش لىنىيەسىنىڭ رەسمىي ئەسلىگە كەلگەنلىكىدىن دېرەك بېرىدىكەن. 

　بۇ ئاۋىياتسىيە لىنىيەسى شىنجاڭدىن ۋېيتنامغا ئۇچىدىغان بىردىنبىر لىنىيە بولۇپ، بويىن B737- 800 تىپلىق ئايروپىلان ھەر سەيشەنبە بىر نۆۋەت ئۇچۇشنى ئىجرا قىلىدۇ. بۇ ئاۋىياتسىيە لىنىيەسى 2020- يىلى ئېچىلغان، بۇ يىل رەسمىي ئەسلىگە كەلتۈرۈلدى. 

　باھار بايرىمى يېتىپ كېلىش ئالدىدا، چېگرىدىن كىرىدىغان- چىقىدىغان يولۇچىلار ئازراق كۆپىيىشى مۇمكىن. ئۈرۈمچى- لەنجوۋ- ياجۇاڭ ئاۋىياتسىيە لىنىيەسىدە قاتناش ئەسلىگە كەلگەنلىكى تېخىمۇ كۆپ شىنجاڭلىق يولۇچىنىڭ چېگرادىن چىقىپ ساياھەت قىلىشىنى تېخىمۇ قولاي ئاۋىياتسىيە لىنىيەسى تاللىشى بىلەن تەمىنلەيدۇ.

(نەشر ھوقۇقىغا ئىگە ئەسەر، ھوقۇق بېرىلمىگەن ئەھۋالدا باشقا سۇپىلارغا كۆچۈرۈپ ئىشلىتىش قاتتىق مەنئى قىلىنىدۇ. باشقا سۇپىلارغا كۆچۈرۈپ ئىشلەتكەندە مەنبەسى، ئەسلىي ماۋزۇسى، ئاپتورنىڭ ئىسمى ئەسكەرتىلىشى كېرەك، يادرولۇق مەزمۇنىنى ئۆزگەرتىشكە بولمايدۇ. ۋېيشىن دوستلار چەمبىرىكىگە، دوستلارغا ھەمبەھرىلەپ قويۇشىڭىزنى قارشى ئالىمىز.)