ھەر بىر ئادەمگە 1200 يۈەن! خاڭجوۋ شەھىرى شەھەر رايونىدىكى كارخانىلاردىن پېنسىيەگە چىققان 1 مىليون 697 مىڭ كىشىگە باھار بايرىمىلىق ھال سوراش پۇلى تارقىتىدۇ

　مۇخبىرنىڭ خاڭجوۋ شەھەرلىك ئادەم كۈچى بايلىقى ۋە ئىجتىمائىي كاپالەت ئىدارىسىدىن ئىگىلىشىچە، خاڭجوۋ شەھەر رايونىدىكى كارخانىلاردىن پېنسىيەگە چىققان خادىملاردىن باھار بايرىمىلىق ھال سوراش پۇلى يېقىندا تارقىتىلىدىكەن، تارقىتىش ئۆلچىمى ھەر كىشىگە 1200 يۈەن بولىدىكەن. بۇ قېتىمقى تارقىتىش ئوبيېكتى خاڭجوۋ شەھەر رايونى (شياۋشەن رايونى، يۈخاڭ رايونى، لىنپىڭ رايونى، فۇياڭ رايونى، لىنئەن رايونىنى ئۆز ئىچىگە ئالىدۇ)دا ئىجتىمائىيلاشقان باشقۇرۇش دائىرىسىگە كىرگۈزۈلگەن كارخانىلاردىن پېنسىيەگە چىققانلار، جۈملىدىن، خاڭجوۋ شەھىرىگە ئۆتكۈزۈپ بېرىلىپ ئىجتىمائىيلاشقان باشقۇرۇشنى يولغا قويغان مەركەز كارخانىلىرى ۋە ئۆلكىگە قاراشلىق كارخانىلاردىن پېنسىيەگە چىققانلار بولۇپ، جەمئىي 1 مىليون 697 مىڭ ئادەم ئىكەن.

　خاڭجوۋ شەھەر رايونىدا ھەر يىلى ئەنئەنىۋى بايراملاردا ئىجتىمائىيلاشقان باشقۇرۇش دائىرىسىگە كىرگۈزۈلگەن كارخانىلاردىن پېنسىيەگە چىققانلارغا جەمئىي 2800 يۈەن بايراملىق ھال سوراش پۇلى تارقىتىلىدۇ، بۇنىڭ ئىچىدە باھار بايرىمىلىق ھال سوراش پۇلىنىڭ ئۆلچىمى ھەر ئادەمگە 1200 يۈەن بولۇپ، بۇ قېتىم شەھەر بويىچە جەمئىي 2 مىليارد 36 مىليون يۈەن تارقىتىلىدىكەن.

　پايدىلانغان مەنبە: خاڭجوۋ گېزىتى

(نەشر ھوقۇقىغا ئىگە ئەسەر، ھوقۇق بېرىلمىگەن ئەھۋالدا باشقا سۇپىلارغا كۆچۈرۈپ ئىشلىتىش قاتتىق مەنئى قىلىنىدۇ. باشقا سۇپىلارغا كۆچۈرۈپ ئىشلەتكەندە مەنبەسى، ئەسلىي ماۋزۇسى، ئاپتورنىڭ ئىسمى ئەسكەرتىلىشى كېرەك، يادرولۇق مەزمۇنىنى ئۆزگەرتىشكە بولمايدۇ. ۋېيشىن دوستلار چەمبىرىكىگە، دوستلارغا ھەمبەھرىلەپ قويۇشىڭىزنى قارشى ئالىمىز.)