ئانار بۇلۇت \ شىنجاڭ گېزىتى خەۋىرى (مۇخبىر سەي زېڭلې) باھار بايرىمى بالىلارنىڭ شاد- خۇراملىققا چۆمىدىغان بايرىمى، باش ئىستانسىنىڭ 2024- يىللىق باھار بايرىمىلىق سەنئەت كېچىلىكى شۆبە مەيدانىنىڭ بىرى بولغان شىنجاڭ قەشقەر قەدىمىي شەھىرىدە توپ تېپىشنى ياخشى كۆرىدىغان بىر توپ كىچىك دوست بار، ئۇلارنىڭ قايناق ھېسسىياتى ئۇرغۇپ، ھاياتىي كۈچى تولۇپ تۇرىدۇ.

　«مەن پۇتبولنى ياخشى كۆرىمەن، مەكتەپتە پۇتبول كوماندىسىنىڭ ئەزاسى»، دېدى 2- ئاينىڭ 5- كۈنى قەشقەر قەدىمىي شەھىرىدىكى تار كوچىدا پۇتبول تېپىۋاتقان يۈسۈپجان دىلشات. يۈسۈپجان قەشقەر قەدىمىي شەھىرىنىڭ كونا ئاھالىسى، ئۇ دائىم يېقىن ئەتراپتىكى كىچىك دوستلار بىلەن قەدىمىي شەھەردە بىللە توپ تېپىدۇ، كوچا ئېغىزلىرىنى ۋاراتا، كوچىنى توپ مەيدانى قىلىدۇ، بەزىدە بىر نەچچە توپ بىرلا ۋاقىتتا مەيدانغا كىرىپ قالىدۇ، بالىلارمۇ خاپا بولۇپ كەتمەيدۇ، دائىم ئۆزلىرىنىڭ توپىنى قوغلىشىدۇ، توپنى ئېلىپ ماڭىدۇ، ئادەمدىن ئالداپ ئۆتىدۇ، ۋاراتاغا توپ ئۇرىدۇ، قەدىمىي شەھەردە بالىلارنىڭ خۇشال كۈلكىلىرى ئۈزۈلمەيدۇ، باھار بايرىمىغا جۇشقۇنلۇق ۋە ھاياتىي كۈچ قوشىدۇ.

　2009- يىلى قەشقەردە قەدىمىي شەھەر رايونىدىكى خەتەرلىك، كونا ئۆيلەرنى ئۆزگەرتىش، ئۇنىۋېرسال تۈزەش قۇرۇلۇشى يولغا قويۇلۇپ، «كونا ئۆيلەرنى ئەسلىدىكى قىياپىتىدە رېمونت قىلىش، ئەسلىدىكى ئورنىدا قايتا سېلىش»، «بىر ئائىلىگە بىر لايىھە تۈزۈش» پىرىنسىپى بويىچە قەشقەر قەدىمىي شەھىرى ئۆزگەرتىلىپ، 20 مىڭدىن ئارتۇق قەدىمىي شەھەر ئاھالىسىگە نەپ يەتكۈزۈلدى. 

(نەشر ھوقۇقىغا ئىگە ئەسەر، ھوقۇق بېرىلمىگەن ئەھۋالدا باشقا سۇپىلارغا كۆچۈرۈپ ئىشلىتىش قاتتىق مەنئى قىلىنىدۇ. باشقا سۇپىلارغا كۆچۈرۈپ ئىشلەتكەندە مەنبەسى، ئەسلىي ماۋزۇسى، ئاپتورنىڭ ئىسمى ئەسكەرتىلىشى كېرەك، يادرولۇق مەزمۇنىنى ئۆزگەرتىشكە بولمايدۇ. ۋېيشىن دوستلار چەمبىرىكىگە، دوستلارغا ھەمبەھرىلەپ قويۇشىڭىزنى قارشى ئالىمىز.)