ئانار بۇلۇت \ شىنجاڭ گېزىتى خەۋىرى (مۇخبىر تاڭ يۇڭ فوتوسى ۋە خەۋىرى) 2- ئاينىڭ 10- كۈنى، باھار بايرىمىنىڭ 1- كۈنى، شىنجاڭ خەلقئارا چوڭ بازار مەنزىرە رايونى ئادەملەر بىلەن لىق تولغانىدى، كوچا ئېچىش مۇراسىمى، دۆلەت دەرىجىلىك غەيرىي ماددىي مەدەنىيەت مىراسى بولغان ئەزىمەتلەر ناخشا- ئۇسسۇلى، ئېلېكتىرونلۇق مۇزىكىغا ئۇسسۇل ئوينايدىغان ئۈچ شاھزادە قىزىل بولاق تارقىتىش، خۇاڭخې دەرياسى ئۇچار ئەجدىھا خەلق ئۆرپ- ئادىتى ئويۇنى قاتارلىقلار نۆۋەت بىلەن ئورۇندىلىپ، قىزغىن، خۇشال، قويۇق بايرام كەيپىياتى بارلىققا كەلدى.

　ئۈرۈمچى شەھىرىنىڭ ئاھالىسى جاڭ چېڭ ئائىلىسىدىكىلەر بىلەن بىللە خەلق ئۆرپ- ئادىتى ئويۇنلىرىنى كۆرگىلى كەلگەنىدى: «چوڭ بازار پىيادىلەر كوچىسىدا خەلق ئۆرپ- ئادىتى ئويۇنى بارلىقىنى ئاڭلاپ، ئالايىتەن بۇ يەرگە كەلدۇق، ھەقىقەتەن قاينام- تاشقىنلىققا چۆمۈپ، بايراملىق كەيپىيات قويۇق بوپتۇ».

　ئىگىلىنىشىچە، ئۈرۈمچى شەھىرى تىيانشان رايونى مەدەنىيەت- ساياھەت بايلىقىغا تايىنىپ، باھار بايرىمى مەزگىلىدە شىنجاڭ خەلقئارا چوڭ بازار مەنزىرە رايونىدا مول مەزمۇنلۇق پائالىيەتلەرنى قانات يايدۇرۇپ، «چوڭ بازاردا باھار بايرىمى ئۆتكۈزۈش» خەلق ئۆرپ- ئادىتى، غەيرىي ماددىي مەدەنىيەت مىراسلىرى مەدەنىيەت كۆرىكى، «ئەجدىھا ئوينىتىپ باھار بايرىمىنى تەبرىكلەش» يۈەنشياۋ بايرىمى كوچا ئويۇنى كۆرىكى، «بازاردا ئالاھىدە ئېتىبار بېرىش» باھار بايرىمىلىق مال سېتىۋېلىش بايرىمى قاتارلىق كۆپ خىل پائالىيەتلەرنى قانات يايدۇرىدىكەن.

(نەشر ھوقۇقىغا ئىگە ئەسەر، ھوقۇق بېرىلمىگەن ئەھۋالدا باشقا سۇپىلارغا كۆچۈرۈپ ئىشلىتىش قاتتىق مەنئى قىلىنىدۇ. باشقا سۇپىلارغا كۆچۈرۈپ ئىشلەتكەندە مەنبەسى، ئەسلىي ماۋزۇسى، ئاپتورنىڭ ئىسمى ئەسكەرتىلىشى كېرەك، يادرولۇق مەزمۇنىنى ئۆزگەرتىشكە بولمايدۇ. ۋېيشىن دوستلار چەمبىرىكىگە، دوستلارغا ھەمبەھرىلەپ قويۇشىڭىزنى قارشى ئالىمىز.)