سوئال: شەربەت ئىچىش مېۋە يېگەنگە باراۋەر بولامدۇ؟

　جاۋاب: شەربەت ئىچىش بىلەن مېۋە يېيىش ئەمەلىيەتتە ئىككىسى ئوخشاش ئەمەس.

　ئالدى بىلەن، مېۋىنى شەربەتكە ئايلاندۇرغاندىن كېيىن، ئوزۇقلۇق قىممىتى سەل تۆۋەنلەيدۇ، مەسىلەن، كۆپچىلىك كۆڭۈل بۆلىدىغان ۋىتامىن Cنىڭ مىقدارىنى ئالساق، مايمۇن شاپتۇلى شەربىتىنى سىقىپ چىقارغاندىن كېيىن ۋىتامىن Cنىڭ ساقلىنىش نىسبىتى %88، ساۋمېي شەربىتىنى سىقىپ چىقارغاندىن كېيىن ۋىتامىن Cنىڭ ساقلىنىش نىسبىتى %71.11، چېڭزى شەربىتىنى سىقىپ چىقارغاندىن كېيىن ۋىتامىن Cنىڭ ساقلىنىش نىسبىتى %67.24 بولىدۇ، ئەگەر شەربەت سىقىپ چىقىرىلغاندىن كېيىن قالدۇقلىرى تاشلىۋېتىلسە، يېمەكلىك تالاسى يەنىمۇ خوراپ كېتىدۇ.

　ئىككىنچىدىن، شەربەتتىكى شېكەرنىڭ ھەممىسى ئىيونلاشقان شېكەر بولۇپ، ئەسلىدە يېڭى مېۋىلەردىكى شېكەرنىڭ ھەممىسى ھۈجەيرە ئىچىدە بولىدۇ، بۇ «ئىچكى مەنبەلىك شېكەر» دەپ ئاتىلىدۇ، شەربىتىنى سىقىپ چىقارغاندىن كېيىن ھۈجەيرە دىۋارى بۇزغۇنچىلىققا ئۇچراپ، شېكەر تەركىبى ھۈجەيرە سىرتىغا چىقىپ كېتىپ، ئىيونلاشقان شېكەرگە ئايلىنىدۇ، ئىيونلاشقان شېكەرنىڭ قان شېكىرىگە بولغان تەسىرى تېخىمۇ چوڭ بولۇپ، ئاسانلا قان شېكىرىنى ئۆرلىتىۋېتىدۇ. ئۇنىڭ ئۈستىگە شەربەتنى ئاسانلا ئىچىۋەتكىلى بولىدۇ، تويۇش تۇيغۇسىمۇ كۈچلۈك ئەمەس، ئىككى چوڭ ئىستاكان شەربەت بولسىمۇ غورتۇلدىتىپ بىراقلا ئىچىۋېتەلەيمىز. مەسىلەن، ئىككى تال چوڭ ئالمىنى بىۋاسىتە يەپ بولۇش ناھايىتى تەس، ئەمما ئىككى تال چوڭ ئالمىدىن سىقىپ چىقىرىلغان شەربەتنى ئىچىش ناھايىتى ئاسان.

　مېۋە يېيىشنىڭ ئورنىغا دائىم شەربەت ئىچكەندە، قان شېكىرىنىڭ ئۆرلىشى تېز، ئىسسىقلىقنىڭ قوبۇل قىلىنىشى يۇقىرى بولۇشنى كەلتۈرۈپ چىقىرىدۇ، بۇ، شېكەرنى ۋە بەدەن ئېغىرلىقىنى كونترول قىلىشقا پايدىسىز، يەنە چىشنى قۇرت يېيىش خەۋپىنى ئاشۇرۇۋېتىدۇ.

　تەتقىقاتلاردا كۆرسىتىلىشىچە، مۇكەممەل مېۋە يېيىش، بولۇپمۇ لەنمېي، ئۈزۈم ۋە ئالما يېيىش 2 تىپلىق دىيابېت خەۋپىنى تۆۋەنلىتىدىكەن؛ شەربەتنى كۆپ ئىچىش 2 تىپلىق دىيابېت بولۇش خەۋپىنى ئاشۇرۇۋېتىدىكەن.

　شۇڭا، شەربەت ئىچىشنى مېۋە يېيىش بىلەن تەڭ ئورۇنغا قويماسلىق كېرەك، ساغلاملىق دەرىجىسىدىن ئېيتقاندا، مۇكەممەل مېۋە ئەڭ ياخشى، ئۇنىڭ كەينىدە مېۋە بوتقىسى تۇرىدۇ، ئەڭ ئاخىرىدا شەربەت تۇرىدۇ.

　پايدىلانغان مەنبە: جۇڭگو ئالاقە تورى بىرلەشمە رەددىيە بېرىش سۇپىسى

(نەشر ھوقۇقىغا ئىگە ئەسەر، ھوقۇق بېرىلمىگەن ئەھۋالدا باشقا سۇپىلارغا كۆچۈرۈپ ئىشلىتىش قاتتىق مەنئى قىلىنىدۇ. باشقا سۇپىلارغا كۆچۈرۈپ ئىشلەتكەندە مەنبەسى، ئەسلىي ماۋزۇسى، ئاپتورنىڭ ئىسمى ئەسكەرتىلىشى كېرەك، يادرولۇق مەزمۇنىنى ئۆزگەرتىشكە بولمايدۇ. ۋېيشىن دوستلار چەمبىرىكىگە، دوستلارغا ھەمبەھرىلەپ قويۇشىڭىزنى قارشى ئالىمىز.)