5- ئاينىڭ 3- كۈنى، چەۋەندازلار ئات بەيگىسىگە قاتناشماقتا. شۇ كۈنى، 2024- يىللىق ئىناق، گۈزەل يېزا- كەنت . شىنجاڭ ئات بەيگىسى ئىقتىدارنى سىناش يۈرۈشلۈك مۇسابىقىسى (كورلا بېكىتى) ئات بەيگىسى كورلا شەھىرىنىڭ مىللەتلەر تەنتەربىيە باغچىسىنىڭ دۇڭگۈي بەيگە مەيدانىدا ئۆتكۈزۈلدى، پۈتۈن شىنجاڭنىڭ ھەرقايسى جايلىرىدىن كەلگەن 24 چەۋەندازلار كوماندىسى بىر مەيداندا مۇسابىقىلىشىپ، ئات ئۈستىدىكى سۈرئەت ۋە قايناق ھېسسىياتنى نامايان قىلدى. چۆ.خۇرە فوتوسى

ساياھەتچىلەر لوپنۇر ناھىيەسىنىڭ لوپنۇرلۇقلار كەنتى مەنزىرە رايونىدا سەيلە - ساياھەت قىلماقتا. (5 - ئاينىڭ 3 - كۈنى تىزگىنەكلىك ئۇچقۇدا تارتىلغان). «1 - ماي»لىق دەم ئېلىش مەزگىلىدە، لوپنۇرلۇقلار كەنتى مەنزىرە رايونىدا ساياھەتچىلەر ئىنتايىن كۆپ بولۇپ، ساياھەتچىلەر بۇ يەردە قۇملۇقنى تاماشا قىلىپ، توغراق سەيلىسى قىلىپ، ئېسىل تائاملارنى تېتىپ، دەم ئېلىش مەزگىلىدىن خۇشال - خۇرام ھۇزۇر ئالدى. ۋاڭ جىپېڭ فوتوسى

5- ئاينىڭ 3- كۈنى، ساياھەتچىلەر قومۇل شەھەرلىك مۇزېيدا ئېكسكۇرسىيە قىلماقتا. «1- ماي»لىق دەم ئېلىش مەزگىلىدە، نۇرغۇن شەھەر ئاھالىسى ۋە ساياھەتچىلەر بۇ يەرگە كېلىپ تارىخ تومۇرىنىڭ سوقۇشىنى ھېس قىلىپ، مەدەنىيەت ئىشەنچىنى بېيىتتى. ئانار بۇلۇت\شىنجاڭ گېزىتى مۇخبىرى سەي زېڭلې فوتوسى

5- ئاينىڭ 1- كۈنى، ساياھەتچىلەر سانجى دۆلەت يېزا ئىگىلىك يۇقىرى، يېڭى تېخنىكىلىق كەسىپلەر ئۈلگە كۆرسىتىش رايونىدىكى شىنجاڭ يېزا ئىگىلىك كۆرگەزمە باغچىسىدا سەيلە - ساياھەت قىلماقتا. بۇ يېزا ئىگىلىك كۆرگەزمە باغچىسى يېزا ئىگىلىك پەن- تېخنىكىسىنى كۆرگەزمە قىلىش، مېۋە - كۆكتات ئۈزۈش، ئىستىراھەت، سەيلە- ساياھەت قىلىش، گۈل- گىياھ كۆپەيتىپ يېتىشتۈرۈشنى بىر گەۋدە قىلغان بولۇپ، كۈنىگە 10 مىڭغا يېقىن ساياھەتچىنى كۈتۈۋالىدۇ. خې لۇڭ فوتوسى

5-ئاينىڭ 1- كۈنى، ساياھەتچىلەر كۇچا شەھىرى ساقساق كوچا باشقارمىسى كوچائېرىق مەھەللىسىدىكى «كۈسەن كىچىك كوچىسى»دا ئەدەبىيات - سەنئەت ئويۇنلىرىنى كۆرمەكتە. «1- ماي»لىق دەم ئېلىش مەزگىلىدە، كۇچا شەھىرى غەيرىي ماددىي مەدەنىيەت مىراسلىرى ناخشا - ئۇسسۇل نومۇرلىرى، بېزەك ئاپتوموبىل كۆرىكى قاتارلىق مول مەزمۇنلۇق مەدەنىيەت پائالىيەتلىرىنى قانات يايدۇرۇپ، نۇرغۇن ساياھەتچىنى قاتنىشىشقا جەلپ قىلدى. يۈەن خۇەنخۇەن فوتوسى

5- ئاينىڭ 2- كۈنى، موتوسىكلىت ماھىرلىرى قاراماي شەھىرى ئورقۇ ئالتۇن ساھىلىدا بەسلەشمەكتە. شۇ كۈنى، ئۈرۈمچى، سانجى، شىخەنزە، قاراماي قاتارلىق جايلاردىن كەلگەن 100 نەپەر ئۆزى ئاپتوموبىل ھەيدەپ ساياھەت قىلىش ھەۋەسكارى قاراماينىڭ ئورقۇغا جەم بولۇپ، چۆل - باياۋاندا موتوسىكلىتلىرىنى ئۇچقاندەك چاپتۇرۇپ، سۈرئەت ۋە قايناق ھېسسىيات ئىچىدە «1-ماي»لىق دەم ئېلىش مەزگىلىنى خۇشال- خۇرام ئۆتكۈزدى. جوۋ جيەنلىڭ فوتوسى

5- ئاينىڭ 2- كۈنى، ساياھەتچىلەر تۇرپان يالقۇنتاغ مەنزىرە رايونىدا تۆگە مىنىپ سەيلە قىلماقتا. شۇ كۈنى، بۇ مەنزىرە رايونى كۈتۈۋالغان ساياھەتچى 10 مىڭ ئادەم قېتىمدىن ئاشتى. ليۇ جيەن فوتوسى