ئانار بۇلۇت \ شىنجاڭ گېزىتى خەۋىرى (مۇخبىر ۋاڭ لىخۇا فوتوسى ۋە خەۋىرى) 5- ئاينىڭ 21- كۈنى، جۇڭگو نېفىتى مايتاغ نېفىت خىمىيە شىركىتى تارىم نېفىت خىمىيە شۆبە شىركىتىنىڭ ئىشلەپچىقىرىش سېخىدا جىددىي، ئالدىراش مەنزىرە بارلىققا كەلدى، ئىشچىلار ئىسمېنا قوشۇپ ئىشلەپ خىمىيەۋى ئوغۇت مەھسۇلاتلىرىنى ئىشلەپچىقىرىۋاتاتتى.

　ھازىر تۈرلۈك زىرائەتلەرنىڭ ئۆسۈشىدىكى ھالقىلىق مەزگىل، تارىم نېفىت خىمىيە شۆبە شىركىتى ئىشلەپچىقارغان بىرىكمە ئاممىياك ۋە چوڭ دانچىلىق ئورىيا ئېھتىياجنى قاندۇرالماي قالدى، ھەر كۈنى 100گە يېقىن چوڭ تونناژلىق يۈك ئاپتوموبىلى تەييار مەھسۇلات ئىسكىلاتىدا ئوغۇت بېسىش ئۈچۈن ئۆچرەتتە تۇرۇۋاتىدۇ. بۇ يىل 1- ئايدىن 4- ئايغىچە، بۇ شىركەتنىڭ مەھسۇلاتلىرىنىڭ سېتىلىش مىقدارى ئالدىنقى يىلنىڭ ئوخشاش مەزگىلى بىلەن سېلىشتۇرغاندا زور دەرىجىدە ئاشتى، بۇنىڭ ئىچىدە، چوڭ دانچىلىق ئورىيانىڭ سېتىلىش مىقدارى %55.7ئاشتى.

　كورلا ئىقتىساد- تېخنىكا تەرەققىيات رايونىغا جايلاشقان، سېلىنما سوممىسى 2 مىليارد 930 مىليون يۈەنگە يەتكەن تارىم نېفىت خىمىيە شۆبە شىركىتى شىنجاڭدىكى بىردىنبىر چوڭ دانچىلىق ئورىيا ئىشلەپچىقىرىدىغان خىمىيەۋى ئوغۇت كارخانىسى بولۇپ، يىلىغا 450 مىڭ توننا بىرىكمە ئاممىياك ۋە 800 مىڭ توننا چوڭ دانىچىلىق ئورىيا ئىشلەپچىقىرىدۇ، مەھسۇلاتلىرى بازارنىڭ ياقتۇرۇشىغا ئېرىشتى.

(نەشر ھوقۇقىغا ئىگە ئەسەر، ھوقۇق بېرىلمىگەن ئەھۋالدا باشقا سۇپىلارغا كۆچۈرۈپ ئىشلىتىش قاتتىق مەنئى قىلىنىدۇ. باشقا سۇپىلارغا كۆچۈرۈپ ئىشلەتكەندە مەنبەسى، ئەسلىي ماۋزۇسى، ئاپتورنىڭ ئىسمى ئەسكەرتىلىشى كېرەك، يادرولۇق مەزمۇنىنى ئۆزگەرتىشكە بولمايدۇ. ۋېيشىن دوستلار چەمبىرىكىگە، دوستلارغا ھەمبەھرىلەپ قويۇشىڭىزنى قارشى ئالىمىز.)