«1- ئىيۇن» خەلقئارا بالىلار بايرىمىغا ئاز قالدى، ئۈرۈمچى شەھىرىدىكى كىچىك دوستلار رەڭگارەڭ پائالىيەتلەر ئارقىلىق ئۆزلىرىگە تەۋە بايرامنى كۈتۈۋالدى.

　5- ئاينىڭ 26- كۈنى، ئۈرۈمچى شەھىرى تىيانشان رايونلۇق ئادەم كۈچى بايلىقى ۋە ئىجتىمائىي كاپالەت ئىدارىسىنىڭ جەنۇبىي ئازادلىق يولى كوچا باشقارمىسى يۈسەي كوچىسى مەھەللىسىدە تۇرۇشلۇق خىزمەت ئەترىتى مەھەللە ئاھالىلىرى بىلەن بىرلىكتە «ئۈمىدنى پەرۋاز قىلدۇرۇش، خۇشال- خۇرام ئۆسۈپ يېتىلىش» «1- ئىيۇن»نى كۈتۈۋېلىش ئەدەبىيات- سەنئەت ئويۇنى قويۇپ، تەۋەلىكىدىكى بالىلارغا ئۆزىنى تولۇق نامايان قىلىدىغان سەھنە ھازىرلاپ بەردى. 

　5- ئاينىڭ 27- كۈنى، ئۈرۈمچى شەھىرى شىمىگۇ رايونى ئۈرۈمچى شەھەرلىك 19- ئوتتۇرا مەكتەپتە شىمىگۇ رايونىنىڭ جۇڭخۇا مىللىتى ئورتاق گەۋدىسى ئېڭىنى مۇستەھكەملەش 2024- يىللىق «شىمىگۇدا بالىلىق قەلب. كەلگۈسى ئارزۇغا ئىنتىلىش» «1- ئىيۇن»نى تەبرىكلەش 6- نۆۋەتلىك سەنئەت بايرىمى كۆرىكى پائالىيىتى ئۆتكۈزدى.

　بۇ قېتىمقى سەنئەت بايرىمى كۆرىكىگە شىمىگۇ رايونىدىكى 10 مەكتەپنىڭ 12 ئېسىل نومۇرى توپلاندى، مەزمۇنى ناخشا- ئۇسسۇل، بالىلار تىياتىرى، دېكلاماتسىيە، چامباشچىلىق، مىللەتلەر مۇزىكىسى قاتارلىق كۆپ خىل شەكىللەرنى ئۆز ئىچىگە ئالدى، شىمىگۇ رايونىدىكى ياشلار- ئۆسمۈرلەرنىڭ سەنئەت ساھەسىدىكى كۆپ مەنبەلىك ئىقتىدارى ۋە چوڭقۇر ئاساسى تولۇق نامايان قىلىندى.

(نەشر ھوقۇقىغا ئىگە ئەسەر، ھوقۇق بېرىلمىگەن ئەھۋالدا باشقا سۇپىلارغا كۆچۈرۈپ ئىشلىتىش قاتتىق مەنئى قىلىنىدۇ. باشقا سۇپىلارغا كۆچۈرۈپ ئىشلەتكەندە مەنبەسى، ئەسلىي ماۋزۇسى، ئاپتورنىڭ ئىسمى ئەسكەرتىلىشى كېرەك، يادرولۇق مەزمۇنىنى ئۆزگەرتىشكە بولمايدۇ. ۋېيشىن دوستلار چەمبىرىكىگە، دوستلارغا ھەمبەھرىلەپ قويۇشىڭىزنى قارشى ئالىمىز.)