شىنخۇا ئاگېنتلىقى، بېيجىڭ، 6- ئاينىڭ 15- كۈنى تېلېگراممىسى شۇ جاي ۋاقتى 6- ئاينىڭ 14- كۈنى، دۆلەت رەئىسى شى جىنپىڭ رامافۇساغا تېلېگرامما ئەۋەتىپ، ئۇنىڭ جەنۇبىي ئافرىقا جۇمھۇرىيىتىنىڭ زۇڭتۇڭلۇقىغا ئۇدا سايلانغانلىقىنى تەبرىكلىدى.
شى جىنپىڭ مۇنداق كۆرسەتتى: جۇڭگو بىلەن جەنۇبىي ئافرىقىنىڭ سىياسىي جەھەتتە ئۆزئارا ئىشىنىشى چوڭقۇر، ھەرقايسى ساھەلەردىكى ئەمەلىي ھەمكارلىق نەتىجىلىرى مول بولۇپ، تەرەققىي قىلىۋاتقان دۆلەتلەر بىلەن «يەرشارىنىڭ جەنۇبى»نىڭ ئىتتىپاقلىشىشى، ھەمكارلىشىشىنىڭ ئۈلگىسى.
بۇلتۇر 8- ئايدا، مەن جەنۇبىي ئافرىقىدا 4- قېتىم دۆلەت ئىشلىرى زىيارىتىدە بولۇپ، زۇڭتۇڭ رامافۇسا بىلەن كەڭ قارالمىلار توغرىسىدا مۇھىم ئورتاق تونۇش ھاسىل قىلىپ، يۇقىرى سەۋىيەلىك جۇڭگو- جەنۇبىي ئافرىقا تەقدىر ئورتاق گەۋدىسى بەرپا قىلىشنىڭ يېڭى سەھىپىسىنى ئاچتۇق. مەن جۇڭگو- جەنۇبىي ئافرىقا مۇناسىۋىتىنىڭ تەرەققىياتىغا يۈكسەك ئەھمىيەت بېرىمەن، زۇڭتۇڭ رامافۇسا بىلەن بىرلىكتە تىرىشىپ، ئىككى دۆلەتنىڭ ئومۇميۈزلۈك ئىستراتېگىيەلىك ھەمراھلىق مۇناسىۋىتىنىڭ ئۈزلۈكسىز يېڭى پەللىگە قەدەم قويۇشىغا تۈرتكە بولۇپ، بىرلىكتە دۇنيانىڭ تىنچلىقى، مۇقىملىقى، گۈللىنىشى ئۈچۈن كۈچ قوشۇشنى خالايمەن.
(نەشر ھوقۇقىغا ئىگە ئەسەر، ھوقۇق بېرىلمىگەن ئەھۋالدا باشقا سۇپىلارغا كۆچۈرۈپ ئىشلىتىش قاتتىق مەنئى قىلىنىدۇ. باشقا سۇپىلارغا كۆچۈرۈپ ئىشلەتكەندە مەنبەسى، ئەسلىي ماۋزۇسى، ئاپتورنىڭ ئىسمى ئەسكەرتىلىشى كېرەك، يادرولۇق مەزمۇنىنى ئۆزگەرتىشكە بولمايدۇ. ۋېيشىن دوستلار چەمبىرىكىگە، دوستلارغا ھەمبەھرىلەپ قويۇشىڭىزنى قارشى ئالىمىز.)