6- ئاينىڭ 16- كۈنى، ئاھالىلەر ئۇچتۇرپان ناھىيەسىدىكى بىر سودا سارايدا مال سېتىۋالماقتا. قۇربان ھېيتلىق دەم ئېلىش مەزگىلىدە، بۇ ناھىيەدىكى ھەرقايسى چوڭ سودا سارايلىرى، تاللا بازارلىرىدا بايراملىق تاۋارلار بىلەن تەمىنلەش يېتەرلىك بولۇپ، سېتىۋېلىش- سېتىش تەڭ جانلاندى. ۋەلى قېيۇم فوتوسى

6- ئاينىڭ 16- كۈنى، شەھەر ئاھالىلىرى قومۇل شەھەرلىك مۇزېينى ئېكسكۇرسىيە قىلىپ، تارىخىي مەدەنىيەتنىڭ جەلپ قىلىش كۈچىنى ھېس قىلدى. ئانار بۇلۇت\شىنجاڭ گېزىتى مۇخبىرى سەي زېڭلې فوتوسى

6- ئاينىڭ 17- كۈنى، كۇچا شەھەرلىك ئىنتىزام تەكشۈرۈش كومىتېتى، رېۋىزىيە كومىتېتىنىڭ تارىم بازىرى لاڭقا كەنتىدە تۇرۇشلۇق خىزمەت ئەترىتىنىڭ ئەترەت ئەزالىرى كەنت ئاھالىلىرى بىلەن بىللە مەززىلىك تائاملارغا ئېغىز تېگىپ، ئىتتىپاقلىق توغرىسىدا پاراڭلىشىپ، قۇربان ھېيتنى بىللە ئۆتكۈزدى. يۈەن خۇەنخۇەن فوتوسى

6- ئاينىڭ 16- كۈنى، ساۋەن شەھىرىنىڭ شۇشياڭ كوچا باشقارمىسى كونا ساۋەن يولى مەھەللىسى «مەززىلىك تائاملارنى تېتىش، ئىتتىپاقلىق توغرىسىدا پاراڭلىشىش، ئىناقلىقنى ئىلگىرى سۈرۈش» قوشنىلار بايرىمى پائالىيىتى ئۆتكۈزدى. ھەر مىللەت ئامما خۇشال- خۇرام بىر يەرگە جەم بولۇپ، ساڭزا سېلىپ، مۇڭدىشىپ، مىللەتلەر ئىتتىپاقلىقى رىشتى توغرىسىدا ئورتاق پاراڭلاشتى. ئارزىگۈل قايرات فوتوسى

6- ئاينىڭ 16- كۈنى، ئاھالىلەر بۈگۈر ناھىيەسىنىڭ ئاقساراي يېزىسى ئۆتەڭ كەنتى يېزا ئىگىلىك كەسپى ئۈلگە كۆرسىتىش باغچىسىدا شوخلىچاق ئۈزمەكتە. قۇربان ھېيتلىق دەم ئېلىش مەزگىلىدە شۇ جايدىكى نۇرغۇن ئاھالە يېزا- كەنتلەرگە بېرىشنى تاللاپ، سەھرا تۇرمۇشىنى ھېس قىلدى. لى شىنفاڭ فوتوسى

6- ئاينىڭ 17- كۈنى، چەرچەن ناھىيەسىنىڭ خەلق مەيدانىدا، ھەر مىللەت ئامما بايراملىق كىيىملىرىنى كىيىپ، ناخشا ئېيتىپ، ئۇسسۇل ئويناپ قۇربان ھېيتنى بىرلىكتە ئۆتكۈزدى. سۇ شىن فوتوسى