ھەقىقىي ئەھۋال: بۇ خاتا قاراش. دىيابېت ئاغرىقلىرى كالا سۈتى ئىچسە بولىدۇ، چۈنكى كالا سۈتى تەركىبىدە ئاقسىل، ماي، كالتسىي قاتارلىق ئوزۇقلۇق ماددىلار مول، ئۇنىڭ ئۈستىگە، قەنت مىقدارىنى ئاشۇرۇش كۆرسەتكۈچى نىسبەتەن تۆۋەن بولۇپ، كالتسىي تولۇقلايدىغان ياخشى يېمەكلىك ھېسابلىنىدۇ.

بەزى كىشىلەر دىيابېت ئاغرىقلىرى سۈت ئىچسە بولمايدۇ، دەپ قارايدۇ، ئاساسلىقى، سۈت تەركىبىدە لاكتوزا بار، كېسەللىك ئەھۋالىنى ئېغىرلاشتۇرۇۋېتىشى مۇمكىن، دەپ ئەندىشە قىلىدۇ. ھالبۇكى، ئەمەلىيەتتە، كالا سۈتىدە لاكتوزىنىڭ قان شېكىرى رېئاكسىيەسى ناھايىتى تۆۋەن بولىدۇ، ھەتتا گاڭپەن، موما قاتارلىق يېمەكلىكلەرنىڭ قان شېكىرى رېئاكسىيەسىدىن كۆپ تۆۋەن بولىدۇ. ئۇنىڭدىن باشقا، ناشتىدا كالا سۈتىگە ئاشلىق تۈرىدىكى ئاساسلىق يېمەكلىكلەرنى قوشۇپ ئىستېمال قىلغاندا، دىيابېت ئاغرىقلىرىنىڭ قان شېكىرىنىڭ ئۆرلەش سۈرئىتىنى ئاستىلىتىشقا ياردىمى بولىدۇ، شۇڭا كۆپچىلىك ئارتۇقچە ئەنسىرەپ كەتمىسىمۇ بولىدۇ.

دىيابېت ئاغرىقلىرىنىڭ كالا سۈتى تاللىغاندا قوشۇمچە ماتېرىياللار جەدۋىلى ۋە ئوزۇقلۇق تەركىبى جەدۋىلىگە دىققەت قىلىشىنى تەۋسىيە قىلىمىز، ئەگەر شېكەر قوشۇلغان بولسا، بۇنداق كالا سۈتىنى ئاز ئىچىش كېرەك.

پايدىلانغان مەنبە: ئىلمىي رەددىيە بېرىش سۇپىسى

(نەشر ھوقۇقىغا ئىگە ئەسەر، ھوقۇق بېرىلمىگەن ئەھۋالدا باشقا سۇپىلارغا كۆچۈرۈپ ئىشلىتىش قاتتىق مەنئى قىلىنىدۇ. باشقا سۇپىلارغا كۆچۈرۈپ ئىشلەتكەندە مەنبەسى، ئەسلىي ماۋزۇسى، ئاپتورنىڭ ئىسمى ئەسكەرتىلىشى كېرەك، يادرولۇق مەزمۇنىنى ئۆزگەرتىشكە بولمايدۇ. ۋېيشىن دوستلار چەمبىرىكىگە، دوستلارغا ھەمبەھرىلەپ قويۇشىڭىزنى قارشى ئالىمىز.)