كۆپچىلىكتە ئادەتتە ئۇزۇن ۋاقىت بېشىنى تۆۋەن سېلىپ خىزمەت قىلغاندا ياكى يان تېلېفونغا قارىغاندىن كېيىن بېشى، مۈرىسى، بوينى، ھەتتا بىلىكى بىئارام بولىدىغان، بىردەم ئارام ئالغاندىن كېيىن ئاندىن ئەسلىگە كېلىدىغان سېزىمنىڭ بولىدىغان- بولمايدىغانلىقىنى بىلمەيمىز. ئەگەر دائىم مۇشۇنداق ئەھۋال كۆرۈلسە، بويۇن ئومۇرتقىسى كېسىلى بىلەن مۇناسىۋەتلىك بولۇشى مۇمكىن.

ئەمەلىيەتتە، بىزنىڭ بويۇن ئومۇرتقىمىز پارچە- پارچە سۆڭەكلەردىن ئۇلىنىپ ھاسىل بولغان، سۆڭەكنىڭ ئوتتۇرىسىدا يەنە ئومۇرتقا ئارىلىق تەخسىسى ئۇلىنىدۇ ھەم بەلگىلىك قوغداش رولىنى ئوينايدۇ.

بىز بىر ئىشقا مەستانە بولۇپ، بېشىمىزنى ئۇزاق مەزگىل ئوڭ- سولغا بۇرىمىساق، بويۇن ئومۇرتقىسى ئۇچرايدىغان بېسىم پەقەت بېشىمىزنىڭ ئېغىرلىقىلا بولىدۇ، لېكىن ئەگەر بېشىمىز دەل ئوتتۇرىدا بولمىسا، ئومۇرتقا ئارىلىق تەخسىسىنىڭ مەلۇم بىر تەرىپىدىكى بېسىم چوڭىيىپ كېتىدۇ، ۋاقىت ئۇزارغانسېرى ئومۇرتقا ئارىلىق تەخسىسىنى مۇقىملاشتۇرىدىغان پەي قېرىيدۇ. بۇنداق بولغاندا بىر قىسىم ئومۇرتقا ئارىلىق تەخسىسى ئەسلىدىكى ئورنىدىن قوزغىلىپ كېتىدۇ، ئېغىر بولغاندا ئەتراپتىكى توقۇلمىلار قىسىۋالىدۇ، مانا بۇ ئاتالمىش ئومۇرتقا ئارىلىق تەخسىسى پولتىيىپ چىقىش.

تۇرمۇشتا نۇرغۇن كىشى ئۆزىنىڭ بويۇن ئومۇرتقىسى كېسىلى بارلىقىنى بايقىغاندىن كېيىن، بىرىنچى بولۇپ سۆڭەكنى ئورنىغا چۈشۈرۈش ياكى ئۇۋۇلىتىشنى ئويلايدۇ. بۇ ئاڭلىماققا يامان ئەمەستەك بولسىمۇ، لېكىن مۇنتىزىم بولمىغان سۆڭەكنى ئورنىغا چۈشۈرۈش، ئۇۋۇلىتىش ئېغىر ئاقىۋەت ئېلىپ كېلىشى مۇمكىن.

دوختۇرخانىدا بۇنداق مىساللار ئاز ئەمەس. بۇنىڭ ئاساسلىق سەۋەبى شۇكى، بويۇن ئومۇرتقىسى كېسىلى بولغاندا، ئاغرىقنىڭ يىلىكى يېنىك بېسىمغا ئۇچرايدۇ، بۇ ۋاقىتتا ئۇۋۇلىغۇچى ئومۇرتقا سۆڭىكىنى كۈچەپ باسسا، ئومۇرتقا تۈۋرۈكى بىر قېتىملىق قىسقا ھەم قاتتىق سوقۇلۇشقا ئۇچرايدۇ، يىلىك ئۇچرىغان بېسىم كۆزنى يۇمۇپ ئاچقۇچە چوڭىيىپ، نېرۋا ئىقتىدارىنىڭ تېزدىن ناچارلىشىشىنى كەلتۈرۈپ چىقىرىشى مۇمكىن. ئېغىر بولغاندا، مەڭگۈلۈك يۇقىرى ئورۇنلۇق كەسمە پالەچ بولۇپ قېلىشى مۇمكىن.

بويۇن ئومۇرتقىسى كېسىلى ئاغرىقلىرىغا نىسبەتەن ئېيتقاندا، ئوپېراتسىيە ئومۇرتقا ئارىلىق تەخسىسى پولتىيىپ چىقىشنى تۈگىتىشنىڭ ئەڭ ياخشى ئۇسۇلى، ئۇنىڭ ئۈستىگە ئوپېراتسىيە قانچە بالدۇر قىلىنسا، ئەسلىگە كېلىشى شۇنچە ياخشى بولىدۇ. شۇڭا، ئەگەر دوختۇر دىياگنوز قويۇپ بولغاندىن كېيىن ئوپېراتسىيە قىلىشنى تەۋسىيە قىلسا، ھەرگىز بەك قورقۇپ كەتمەسلىك ياكى تەلەي سىناش پىسخىكىسىدا بولماسلىق، ئۆزىنى ئەسلىگە كېلەلەيمەن دەپ قارىماسلىق كېرەك، دوختۇرنىڭ كۆرسەتمىسى بويىچە ئىش قىلىش ئەڭ مۇھىم.

پايدىلانغان مەنبە: «ئۆگىنىش كۈچلۈك دۆلىتى» ئۆگىنىش سۇپىسى

(نەشر ھوقۇقىغا ئىگە ئەسەر، ھوقۇق بېرىلمىگەن ئەھۋالدا باشقا سۇپىلارغا كۆچۈرۈپ ئىشلىتىش قاتتىق مەنئى قىلىنىدۇ. باشقا سۇپىلارغا كۆچۈرۈپ ئىشلەتكەندە مەنبەسى، ئەسلىي ماۋزۇسى، ئاپتورنىڭ ئىسمى ئەسكەرتىلىشى كېرەك، يادرولۇق مەزمۇنىنى ئۆزگەرتىشكە بولمايدۇ. ۋېيشىن دوستلار چەمبىرىكىگە، دوستلارغا ھەمبەھرىلەپ قويۇشىڭىزنى قارشى ئالىمىز.)