شىنخۇا ئاگېنتلىقى، بېيجىڭ، 7- ئاينىڭ 2- كۈنى تېلېگراممىسى 7- ئاينىڭ 1- كۈنى، دۆلەت رەئىسى شى جىنپىڭ ئامېرىكا ياش- ئۆسمۈرلەر «ياشلىقتا ھەمسەپەر بولۇش» ئالماشتۇرۇش ئۆمىكىدىن كۈتىدىغان ئۈمىدىنى ئوتتۇرىغا قويدى.

　شى جىنپىڭ مۇنداق كۆرسەتتى: جۇڭگو- ئامېرىكا مۇناسىۋىتىنىڭ ئۈمىدى خەلقتە، ئاساسى خەلق ئارىسىدا، كەلگۈسى ياشلاردا، ھاياتىي كۈچى يەرلىكتە. سىلەرنىڭ بۇ قېتىمقى زىيارەت ئارقىلىق جۇڭگونى ھېس قىلىپ، جۇڭگونى چۈشىنىپ، جۇڭگونى بىلىپ، جۇڭگودىكى ياش- ئۆسمۈرلەر بىلەن پىكىر ئالماشتۇرۇپ، ھەمتۈرتكە بولۇپ، ياخشى ھەمراھلاردىن، ياخشى دوستلاردىن بولۇپ، ئىككى دۆلەت خەلقلىرى ئارىسىدا تېخىمۇ كۆپ ئۆزئارا چۈشىنىش، ئۆزئارا ئىناق ئۆتۈش كۆۋرۈكى بەرپا قىلىپ، جۇڭگو- ئامېرىكا ئىككى دۆلەت خەلقلىرىنىڭ دوستلۇقىنى ئىلگىرى سۈرۈش ئۈچۈن تۆھپە قوشۇشىڭلارنى ئۈمىد قىلىمەن.

　ئامېرىكا ياش- ئۆسمۈرلەر «ياشلىقتا ھەمسەپەر بولۇش» ئالماشتۇرۇش ئۆمىكى ئامېرىكىنىڭ يەتتە ئىشتاتىدىكى جەمئىي 14 ئوتتۇرا مەكتەپتىكى تەخمىنەن 190 نەپەر ئوقۇتقۇچى- ئوقۇغۇچىلار ۋەكىلىدىن تەركىب تاپقان بولۇپ، جۇڭگو خەلق تاشقى دوستلۇق جەمئىيىتى تەكلىپ قىلغان ھەم كۈتۈۋالغان.

(نەشر ھوقۇقىغا ئىگە ئەسەر، ھوقۇق بېرىلمىگەن ئەھۋالدا باشقا سۇپىلارغا كۆچۈرۈپ ئىشلىتىش قاتتىق مەنئى قىلىنىدۇ. باشقا سۇپىلارغا كۆچۈرۈپ ئىشلەتكەندە مەنبەسى، ئەسلىي ماۋزۇسى، ئاپتورنىڭ ئىسمى ئەسكەرتىلىشى كېرەك، يادرولۇق مەزمۇنىنى ئۆزگەرتىشكە بولمايدۇ. ۋېيشىن دوستلار چەمبىرىكىگە، دوستلارغا ھەمبەھرىلەپ قويۇشىڭىزنى قارشى ئالىمىز.)