كۈنەس ناھىيەسى زەكتى بازىرى زەكتى كەنتىدىكى بۇغدايلىقلار ئالتۇن رەڭگە كىرىپ، مول ھوسۇل مەنزىرىسىگە چۆمدى (6- ئاينىڭ 24- كۈنى تارتىلغان سۈرەت). ھازىر كۈنەس ناھىيەسىدىكى 150 مىڭ مودىن ئارتۇق يەردىكى كۈزگى بۇغداي ئارقا- ئارقىدىن يىغىۋېلىش مەزگىلىگە كىردى، 7- ئاينىڭ ئاخىرىدا ئورۇش ۋەزىپىسى تاماملىنىشى مۆلچەرلەنمەكتە. جاڭ ۋېنتىڭ فوتوسى

6- ئاينىڭ 28- كۈنى، كومبايىن تەكلىماكان قۇملۇقىنىڭ چېتىگە جايلاشقان شىنجاڭ ئىشلەپچىقىرىش- قۇرۇلۇش بىڭتۇەنى 3- شى 49- تۇەن 3- ليەنىدىكى بۇغدايلىقتا بۇغداي ئورىماقتا. 6- ئاينىڭ ئاخىرىدا، جەنۇبىي شىنجاڭدىكى كەڭ رايونلاردا بۇغدايلار ئارقا- ئارقىدىن پىشتى، كىشىلەر دېھقانچىلىق ۋاقتىنى چىڭ تۇتۇپ، بۇغدايلارنى تېز يىغىپ، مول ھوسۇل ئېلىشقا ھەقىقىي كاپالەتلىك قىلدى. ۋاڭ جىچىڭ فوتوسى

6- ئاينىڭ 28- كۈنى، شىنجاڭ ئىشلەپچىقىرىش- قۇرۇلۇش بىڭتۇەنى 3- شى 45- تۇەن 12- ليەنىنىڭ ئىشچى- خىزمەتچىلىرى بۇغدايلىقتا يەر ئاغدۇرغاچ تېرىق تېرىماقتا. 6- ئاينىڭ ئاخىرلىرى دەل «يازنىڭ ئۈچ ئىشى»نىڭ ئالدىراش مەزگىلى بولۇپ، كىشىلەر دېھقانچىلىق ۋاقتىنى چىڭ تۇتۇپ، تېز يىغىپ، تېز تېرىپ، ئېتىز باشلىرىدا ئالدىراش مەنزىرە شەكىللەندۈردى. ۋاڭ جىچىڭ فوتوسى

7- ئاينىڭ 4- كۈنى، دېھقانچىلىق ماشىنىسى شىخو شەھىرىنىڭ شىداگۇ بازىرىدىكى ئېتىزدا بۇغداي ئورىماقتا. 7- ئاي كىرىشى بىلەن شىخو شەھىرىدىكى 105 مىڭ 200 مو يەردىكى بۇغداي ئارقا- ئارقىدىن پىشتى. يېقىنقى يىللاردىن بۇيان، بۇ شەھەر مەۋقەنى بايلىق ئەۋزەللىكىگە قويۇپ، «كارخانا + دېھقان ئائىلىسى + بازا» ئەندىزىسى ئارقىلىق بۇغداي كەسپىنى زورايتىپ، كۈچەيتىپ، ئۇرۇق يېتىشتۈرۈش، تېرىش، پىششىقلاش، سېتىش بىر گەۋدىلەشكەن كەسىپ زەنجىرىنى شەكىللەندۈرۈپ، يېزا- كەنتلەرنى گۈللەندۈرۈشكە كۈچ قوشتى. لى رېنشى فوتوسى

7- ئاينىڭ 4- كۈنى، كۈنەس ناھىيەسىنىڭ تۇرگېن يېزىسىدىكى بىر بۇغدايلىقتا يېزا ئىگىلىك ماشىنىلىرى بۇغداي يىغماقتا. ھازىر ئىلى قازاق ئاپتونوم ئوبلاستىغا بىۋاسىتە قاراشلىق ناھىيە، شەھەرلەر ئارقا- ئارقىدىن بۇغداي ھوسۇلىنى يىغىش مەزگىلىگە كىردى، جايلاردىكى دېھقانلار دېھقانچىلىق ۋاقتىنى چىڭ تۇتۇپ يازلىق يىغىم، يازلىق تېرىمنىڭ تۈرلۈك خىزمەتلىرىنى قانات يايدۇرماقتا. جاڭ چىڭخۇا فوتوسى

7- ئاينىڭ 5- كۈنى، قۇتۇبى ناھىيەسىنىڭ تاشپەلەمپەي قازاق يېزىسى ئاۋىيتان كەنتىدە، يېزا ئىگىلىك ماشىنىسى شوپۇرى كومبايىننى ھەيدەپ بۇغدايلىقتا بۇغداي ئورىماقتا. بۇ ناھىيەدە تېرىلغان 115 مىڭ مو بۇغداينى ھازىر ئومۇميۈزلۈك ئورۇش باشلاندى. تاۋ ۋېيمىڭ فوتوسى

7- ئاينىڭ 6- كۈنى، جىمىسار ناھىيەسى بېيتىڭ بازىرىنىڭ دۇڭئەرچى كەنتىدىكى بۇغدايلىقتا كومبايىن كۈزگى بۇغداي ئورىماقتا، بۇ ناھىيەدىكى 182 مىڭ 700 مو يەردىكى كۈزگى بۇغداي ئارقا- ئارقىدىن ئورۇلۇشقا باشلىدى. بۇ يىل جىمىسار ناھىيەسىنىڭ تۈزلەڭلىكتىكى يېزا- بازارلىرىدا يازلىق يىغىم خىزمىتى 7- ئاينىڭ ئاخىرىدا تاماملىنىشى، تاغلىق يېزا- بازارلىرىدا 8- ئاينىڭ بېشىدا ئومۇميۈزلۈك تاماملىنىشى مۆلچەرلەندى. خې لۇڭ فوتوسى

7- ئاينىڭ 6- كۈنى، چاپچال شىبە ئاپتونوم ناھىيەسىنىڭ سۇنجاچى نېرۇ بازىرى غاپپار كەنتىدىكى بۇغداي تېرىش بازىسىدا، ئالتۇن رەڭلىك بۇغداي ئېتىزلىرىنىڭ «مول ھوسۇل» مەنزىرىسى رەسىمدەك گۈزەل ئىدى. خۇا يەنمىڭ فوتوسى

7- ئاينىڭ 1- كۈنى، سانجى شەھىرى يۈشۇگۇ بازىرى سىچى كەنتىنىڭ كۈزگى بۇغداي ئېتىزلىقىدا چوڭ تىپتىكى كومبايىن يىغىۋېلىنغان بۇغدايلارنى ئاپتوموبىلغا قاچىلىماقتا. بۇ يىل سانجى شەھىرى 40 مىڭ توننا يازلىق ئاشلىق سېتىۋېلىشنى پىلانلىدى. ليۇ خۇا فوتوسى