شىنخۇا ئاگېنتلىقى، بېيجىڭ، 7- ئاينىڭ 9- كۈنى تېلېگراممىسى  قاتناش- تىرانسپورت مىنىستىرلىقى تەشكىللەپ تۈزگەن «شى جىنپىڭنىڭ قاتناش كۈچلۈك دۆلىتى توغرىسىدىكى مۇھىم بايانلىرىنى چوڭقۇر ئۆگىنەيلى» ناملىق كىتاب يېقىندا خەلق نەشرىياتى، خەلق قاتناش نەشرىياتى تەرىپىدىن بىرلىشىپ نەشر قىلىنىپ، پۈتۈن مەملىكەتتە تارقىتىلدى.

بۇ كىتابتا شى جىنپىڭ يېڭى دەۋر جۇڭگوچە سوتسىيالىزم ئىدىيەسى يېتەكچى قىلىنىپ، باش شۇجى شى جىنپىڭنىڭ قاتناش كۈچلۈك دۆلىتى توغرىسىدىكى مۇھىم بايانلىرىنىڭ مۇھىم ئەھمىيىتى، مول ئىچكى خاس مەزمۇنى، يادرولۇق مۇھىم مەزمۇنى، ئەمەلىيەت تەلىپى مەخسۇس تېمىدا بايان قىلىنغان. پارتىيە 18- قۇرۇلتىيىدىن بۇيان، باش شۇجى شى جىنپىڭ قاتناش- تىرانسپورت ئىشلىرىنىڭ تەرەققىياتىغا يۈكسەك ئەھمىيەت بېرىپ، بىر قاتار مۇھىم بايانلارنى ئوتتۇرىغا قويۇپ، قاتناش كۈچلۈك دۆلىتى ئىستراتېگىيەسىنى يولغا قويۇشنى ئۆزى پىلانلاپ، ئۆزى ئورۇنلاشتۇرما قىلىپ، ئۆزى تۈرتكە بولۇپ، قاتناشنى جۇڭگوچە زامانىۋىلاشتۇرۇشنىڭ يول باشلىغۇچى ئاۋانگارتى بولۇشتەك ئىستراتېگىيەلىك ئورۇنغا ئىگە قىلىپ، «كىشىلەرنى سەپەردە راھەت ھېس قىلدۇرۇش، ئەشيا ئوبوروتىنى راۋانلاشتۇرۇش» گۈزەل ئارزۇسىنى تىرىشىپ ئىشقا ئاشۇرۇشنى تەلەپ قىلدى، يېڭى دەۋردىكى قاتناش- تىرانسپورت تەرەققىياتىدىكى بىر قاتار مۇھىم نەزەرىيە ۋە ئەمەلىيەت مەسىلىلىرىنى چوڭقۇر چۈشەندۈردى. باش شۇجى شى جىنپىڭنىڭ قاتناش كۈچلۈك دۆلىتى توغرىسىدىكى مۇھىم بايانلىرىنىڭ ئىدىيەسى چوڭقۇر، ئىچكى خاس مەزمۇنى مول بولۇپ، كۈچلۈك سىياسىيلىققا، ئىدىيەۋىلىككە، يېتەكچىلىككە ئىگە، بۇ، يېڭى دەۋردە قاتناش كۈچلۈك دۆلىتى قۇرۇشنى تېزلىتىش ئۈچۈن ئالغا ئىلگىرىلەش يۆنىلىشىنى ئېنىق كۆرسىتىپ بەردى، تۈپ قوللانما بىلەن تەمىنلىدى.