ئانار بۇلۇت \ شىنجاڭ گېزىتى خەۋىرى (مۇخبىر چېن چياڭۋېي) 7- ئاينىڭ 15- كۈنى، جۇڭگو جەنۇب ئاۋىياتسىيەسىنىڭ CZ8108 قېتىملىق نۆۋەتچى ئايروپىلانىدا توشۇلغان مال قىممىتى 35 مىليون 579 مىڭ 500 يۈەنلىك 43 يەشىك ئائىلىدە ئىشلىتىلىدىغان ھۆسن تۈزەش ئەسۋابىنىڭ ئاساسىي تاختا خام ماتېرىيالى شياڭگاڭدىن قەشقەر لەينىڭ خەلقئارا ئايروپورتىغا ئوڭۇشلۇق يېتىپ كەلدى. بۇ، 7- ئاينىڭ 1- كۈنى شياڭگاڭ — قەشقەر يولۇچى تىرانسپورت ئاۋىياتسىيە لىنىيەسى ئېچىلغاندىن بۇيان، تۇنجى قېتىم يولۇچى تىرانسپورت نۆۋەتچى ئايروپىلانىنىڭ قورساق بۆلمىسىدە مال توشۇلۇشى ھېسابلىنىدۇ.

　قەشقەر ئەندې فوتو ئېلېكتىر پەن- تېخنىكا چەكلىك شىركىتى ئىمپورت- ئېكسپورت تاموژنا ئىشلىرى بۆلۈمىنىڭ دىرېكتورى پەزىلىيە تۇرغۇن مۇنداق دېدى: ئىلگىرىكى خام ماتېرىياللارنى ئاۋۋال شياڭگاڭدىن شېنجېنغا، ئاندىن شېنجېندىن قەشقەرگە توشۇپ كېلىپ، ئاخىرىدا ئۇنىۋېرسال باجدىن خالىي رايونغا كىرگۈزۈشكە توغرا كېلەتتى، توشۇش ئۇسۇلى مۇرەككەپ بولۇپ، ۋاقىت كۆپ كېتەتتى، خىراجەت يۇقىرى، زىيانمۇ يۇقىرى بولاتتى. ھازىر ئايروپىلاننىڭ قورساق بۆلمىسىدە مال توشۇش ئۇسۇلى ئارقىلىق، شياڭگاڭ بىلەن قەشقەر ئوتتۇرىسىدىكى ئەشيا ئوبوروتى ۋاقتى قىسقىراپ، توشۇش تەننەرخى ھەم يۇقىرى نازۇك ماتېرىياللارنى توشۇش جەريانىدىكى خەۋپ- خەتەرمۇ ئۈنۈملۈك تۆۋەنلىتىلدى. بۇ، كارخانا مەھسۇلاتلىرىنىڭ ئىشلەپچىقىرىش ئۈنۈمى ۋە سۈپىتىنى ئۆستۈرۈشكە پايدىلىق بولۇپلا قالماي، يەنە كارخانىنىڭ بازاردىكى رىقابەت كۈچىنى يەنىمۇ ئاشۇرىدۇ.

　«بۇ قېتىمقى شياڭگاڭ — قەشقەر ئاۋىياتسىيە لىنىيەسى يولۇچىلار ئايروپىلانىنىڭ قورساق بۆلمىسىدە مال توشۇش ئەندىزىسىنى قانات يايدۇرۇش ئاۋىياتسىيە ئەشيا ئوبوروتىنىڭ جانلىقلىقى ئۆستۈردى». قەشقەر تاموژنىسىنىڭ ئايروپورتتا تۇرۇشلۇق ئىش بېجىرىش ئورنى ئۇنىۋېرسال كەسپىي بۆلۈمىنىڭ بۆلۈم باشلىقى لى ياڭ مۇنداق دېدى: قەشقەر تاموژنىسى نازارەت قىلىش- باشقۇرۇش تەرتىپىنى ئۈزلۈكسىز ئەلالاشتۇرۇپ، ئەقلىيلەشكەن سىستېما ۋە ئۈسكۈنىلەردىن تولۇق پايدىلىنىپ، تەكشۈرۈشنىڭ توغرىلىق دەرىجىسىنى ئۆستۈرىدۇ، ماللارنىڭ ئايروپورت بىلەن ئۇنىۋېرسال باجدىن خالىي رايون ئارىسىدا ئايلىنىش ئۈنۈمىنى ئۆستۈرۈپ، كارخانىلارنىڭ ئەشيا ئوبوروتى تەننەرخىنى ئۈنۈملۈك تۆۋەنلىتىدۇ.

(نەشر ھوقۇقىغا ئىگە ئەسەر، ھوقۇق بېرىلمىگەن ئەھۋالدا باشقا سۇپىلارغا كۆچۈرۈپ ئىشلىتىش قاتتىق مەنئى قىلىنىدۇ. باشقا سۇپىلارغا كۆچۈرۈپ ئىشلەتكەندە مەنبەسى، ئەسلىي ماۋزۇسى، ئاپتورنىڭ ئىسمى ئەسكەرتىلىشى كېرەك، يادرولۇق مەزمۇنىنى ئۆزگەرتىشكە بولمايدۇ. ۋېيشىن دوستلار چەمبىرىكىگە، دوستلارغا ھەمبەھرىلەپ قويۇشىڭىزنى قارشى ئالىمىز.)