ئانار بۇلۇت \ شىنجاڭ گېزىتى خەۋىرى سەپەرگە چىققاندا دىققەت قىلىڭ! G216 لىنىيەسىنىڭ گەنخېزى بازىرىدىن جىنشياڭ يول ئېغىزىغىچە بولغان يول بۆلىكىدە ۋاقىتلىق قاتناشقا چەك قويۇلدى، ئۆتىدىغان ئاپتوموبىللار ئايلىنىپ مېڭىشقا دىققەت قىلىڭلار.

ئاپتونوم رايونلۇق قاتناش- تىرانسپورت نازارىتى يول تورىنى كۆزىتىپ ئۆلچەش ۋە جىددىي ئىشلارغا تاقابىل تۇرۇش- بىر تەرەپ قىلىش مەركىزىنىڭ ئەڭ يېڭى ھەرىكەتچان يول ئەھۋالى ئۇچۇرىدا كۆرسىتىلىشىچە، 7- ئاينىڭ 18- كۈنى سائەت 11دە، سانجى تاشيول باشقۇرۇش ئىدارىسى باشقۇرۇپ ئاسرايدىغان G216 لىنىيەسى (خۇڭشەنزۈي- جىلۇڭ لىنىيەسى)نىڭ 745 كىلومېتىرلىق جايىدىن 753 كېلومېتىر قوشۇلغان 900 مېتىر جايىغىچە (گەنخېزى بازىرىدىن جىنشياڭ يول ئېغىزىغىچە) بولغان بۆلىكىدە، كۆۋرۈك يۈزى بۇزۇلۇپ، ياتقۇزۇلغان پولات چىۋىق كۆرۈنۈپ قالغانلىقتىن، قاتناش بىخەتەرلىكىگە تەسىر يەتكۈزگەن، قاتناش ساقچى تارماقلىرى بۇ يول بۆلىكىدە قوش يۆنىلىشتە قاتناشقا چەك قويغان، ئەسلىگە كەلتۈرۈش ۋاقتى بېكىتىلمىگەن. 

فۇكاڭ گۇڭئەن ۋېيشىن ئاممىۋى نومۇرىدا ئېلان قىلىنغان ئومۇمىي ئۇقتۇرۇشقا ئاساسلانغاندا، قاتناشقا چەك قويۇلغان مەزگىلىدە، شەرقتىن غەربكە قاراپ ماڭغان ئاپتوموبىللار G216 لىنىيەسىنىڭ 745 كىلومېتىرلىق جايىدىن Z409 لىنىيەسىگە چىقىپ، زاۋۇت ئالدى يولىغا كىرىپ جىنشياڭ يول ئېغىزىدىن چىقىپ، ئوڭغا بۇرۇلۇپ G216 لىنىيەسىگە كىرسە بولىدىكەن؛ غەربتىن شەرققە قاراپ ماڭغان ئاپتوموبىللار G216 لىنىيەسىنىڭ 753 كىلومېتىر قوشۇلغان 900 مېتىرلىق جايىدىكى جىنشياڭ يول ئېغىزىدىن سولغا بۇرۇلۇپ زاۋۇت ئالدى يولىغا چىقىپ، ئاندىن Z409 لىنىيەسىدىن سولغا بۇرۇلۇپ G216 لىنىيەسىگە كىرسە بولىدىكەن.

(نەشر ھوقۇقىغا ئىگە ئەسەر، ھوقۇق بېرىلمىگەن ئەھۋالدا باشقا سۇپىلارغا كۆچۈرۈپ ئىشلىتىش قاتتىق مەنئى قىلىنىدۇ. باشقا سۇپىلارغا كۆچۈرۈپ ئىشلەتكەندە مەنبەسى، ئەسلىي ماۋزۇسى، ئاپتورنىڭ ئىسمى ئەسكەرتىلىشى كېرەك، يادرولۇق مەزمۇنىنى ئۆزگەرتىشكە بولمايدۇ. ۋېيشىن دوستلار چەمبىرىكىگە، دوستلارغا ھەمبەھرىلەپ قويۇشىڭىزنى قارشى ئالىمىز.)