2024- يىلى 7- ئاينىڭ 24- كۈنى، چېڭدۇ ئاۋىياتسىيەسى قەشقەر- ئۈرۈمچى ئاۋىياتسىيە لىنىيەسىنى رەسمىي ئاچتى، بۇ، چېڭدۇ ئاۋىياتسىيەسىنىڭ ARJ21 تىپلىق ئايروپىلانى شىنجاڭدا ئۇچۇشقا سېلىنغان يەنە بىر يېڭى ئاۋىياتسىيە لىنىيەسى بولۇپ، چېڭدۇ ئاۋىياتسىيەسىنىڭ ARJ21 تىپلىق ئايروپىلانىنىڭ ئۇچۇش ۋەزىپىسىنى ئىجرا قىلىش نۇقتىسىنىڭ شىنجاڭدىكى تىجارەت قىلىۋاتقان  25 ئايرودۇرۇمنى تولۇق قاپلىغانلىقىدىن دېرەك بېرىدۇ.

　بۇ قېتىم ئېچىلغان قەشقەر- ئۈرۈمچى بېرىش- كېلىش ئاۋىياتسىيە لىنىيەسىنىڭ نۆۋەتچى ئايروپىلان نومۇرى EU3015/16 بولۇپ، ھەر دۈشەنبە، چارشەنبە، جۈمە، يەكشەنبە تۆت نۆۋەت ئۇچۇش ۋەزىپىسىنى ئىجرا قىلىدۇ، بېرىش مۇساپىسىدىكى نۆۋەتچى ئايروپىلان پىلان بويىچە سائەت 9:15تە قەشقەردىن ئۇچۇپ، سائەت 10:55تە ئۈرۈمچىگە يېتىپ بارىدۇ؛ قايتىش مۇساپىسىدىكى نۆۋەتچى ئايروپىلان پىلان بويىچە سائەت 11:55تە ئۈرۈمچىدىن ئۇچۇپ، سائەت 13:45تە قەشقەرگە يېتىپ بارىدۇ. بۇ ئاۋىياتسىيە لىنىيەسىنىڭ ئېچىلىشى شىنجاڭنىڭ دۆلىتىمىزدە ئىشلەنگەن سودا ئايروپىلانى ئۇچۇشنى ئىجرا قىلىدىغان ئاۋىياتسىيە لىنىيەسى تورىنى يەنىمۇ زىچلاشتۇرۇپ، ئىككى شەھەر ئارىسىدىكى خادىملار ئالاقىسى، سودا ئالاقىسىنى تېخىمۇ كۆپ قولايلىققا ئىگە قىلىپ، ئىككى جاينىڭ ئىقتىساد، جەمئىيىتىنىڭ يۇقىرى سۈپەتلىك تەرەققىياتىغا كۈچ قوشىدۇ.

　پايدىلانغان مەنبە: «خەلق گېزىتى» ئابۇنىچىلار تېرمىنالى

(نەشر ھوقۇقىغا ئىگە ئەسەر، ھوقۇق بېرىلمىگەن ئەھۋالدا باشقا سۇپىلارغا كۆچۈرۈپ ئىشلىتىش قاتتىق مەنئى قىلىنىدۇ. باشقا سۇپىلارغا كۆچۈرۈپ ئىشلەتكەندە مەنبەسى، ئەسلىي ماۋزۇسى، ئاپتورنىڭ ئىسمى ئەسكەرتىلىشى كېرەك، يادرولۇق مەزمۇنىنى ئۆزگەرتىشكە بولمايدۇ. ۋېيشىن دوستلار چەمبىرىكىگە، دوستلارغا ھەمبەھرىلەپ قويۇشىڭىزنى قارشى ئالىمىز.)