يېقىندا، شىنجاڭ ئالتاي تېغى دۆلەت ئورمىنىنى باشقۇرۇش ئىدارىسى كۆكتوقاي شۆبە ئىدارىسىنىڭ خىزمەتچىلىرى ئورمان رايونىغا ئورۇنلاشتۇرۇلغان كۆزىتىپ ئۆلچەش تېلېكامىراسىدا تارتىلغان سىنلارنى يىغىۋالغاندا، تۇنجى قېتىم يۇقىرى ئېنىقلىقتىكى رەڭلىك ئۈسكۈنىدىن دۆلەت تەرىپىدىن 1- دەرىجىلىك قوغدىلىدىغان ھايۋان − تاغ يىلپىزىنىڭ قىممەتلىك سىن كۆرۈنۈشىگە ئېرىشتى.

　بۇ تاغ يىلپىزى ئېگىز تاغ چوققىلىرى ئارىسىدا مېڭىپ ئۆتكەن بولۇپ، قېنىق كۈلرەڭ مويلىرى ۋە قارا داغلىرىنى ئېنىق كۆرگىلى بولاتتى. ئۇنىڭ ياشاش خۇسۇسىيىتى ئالاھىدە ھەم ياشاش مۇھىتى مۇرەككەپ، ئۆزگىرىشچان بولغاچقا، كۆزىتىپ ئۆلچەش ۋە تەتقىق قىلىش خىزمىتى ئىزچىل نۇرغۇن خىرىسقا دۇچ كەلگەنىدى. يېقىنقى يىللاردىن بۇيان، شۇ جاي ئورمان رايونىنىڭ ئېكولوگىيەسىنى قوغداش سالمىقىنى سىجىل  كۈچەيتىپ، مۇكەممەل بولغان ياۋايى ھايۋانلارنى كۆزىتىپ ئۆلچەش سىستېمىسىنى بەرپا قىلدى. ئىنفىرا قىزىل نۇرلۇق فوتو ئاپپارات ئورنىتىش، كۈندىلىك چارلاشنى قانات يايدۇرۇش، ئېگىز تاغدا نازارەت قىلىش تورى قۇرۇش قاتارلىق كۆپ خىل ۋاسىتىلەر ئارقىلىق، ئورمان رايونىدىكى ياۋايى ھايۋانلار بايلىقىنى ئومۇميۈزلۈك، سىستېمىلىق كۆزىتىپ ئۆلچىدى ۋە قوغدىدى.

　(باش ئىستانسا مۇخبىرى ليۇ فېي، ساۋ جياڭ، شىنجاڭ تېلېۋىزىيە ئىستانسىسى)

(نەشر ھوقۇقىغا ئىگە ئەسەر، ھوقۇق بېرىلمىگەن ئەھۋالدا باشقا سۇپىلارغا كۆچۈرۈپ ئىشلىتىش قاتتىق مەنئى قىلىنىدۇ. باشقا سۇپىلارغا كۆچۈرۈپ ئىشلەتكەندە مەنبەسى، ئەسلىي ماۋزۇسى، ئاپتورنىڭ ئىسمى ئەسكەرتىلىشى كېرەك، يادرولۇق مەزمۇنىنى ئۆزگەرتىشكە بولمايدۇ. ۋېيشىن دوستلار چەمبىرىكىگە، دوستلارغا ھەمبەھرىلەپ قويۇشىڭىزنى قارشى ئالىمىز.)