ئانار بۇلۇت \ شىنجاڭ گېزىتى خەۋىرى (مۇخبىر ياۋ گاڭ) مۇخبىرنىڭ ئاپتونوم رايونلۇق مەدەنىيەت ۋە ساياھەت نازارىتىدىن ئىگىلىشىچە، بۇ يىل پۈتۈن ئاپتونوم رايون 17 مىليون 100 مىڭ يۈەن مەخسۇس تۈر مەبلىغىنى بىر تۇتاش ئورۇنلاشتۇرۇپ، يېڭىدىن ساياھەت ھاجەتخانىسى سېلىشنى مۇكاپاتلاش ۋە ئۇنىڭغا تولۇقلىما بېرىشكە ئىشلىتىدىكەن.

　بۇ يىل شىنجاڭنىڭ ساياھەت مۇلازىمەت سۈپىتىنى ئۆستۈرۈش يىلى بولۇپ، ئاپتونوم رايونىمىز مال باھاسى، ھاجەتخانا، ساياھەت ئۆمىكىگە ئىگە بولماسلىقتىن ئىبارەت ئۈچ چوڭ مەسىلىنى مەخسۇس تۈردە تۈزەشنى قانات يايدۇردى. بۇ يىل يېڭىدىن 171 يۈرۈش ھاجەتخانا سېلىش، 510 يۈرۈش كونا ھاجەتخانىنى ئۆزگەرتىپ سېلىش، 280 يۈرۈش قۇراشتۇرما كۆچمە ھاجەتخانىنى كۆپەيتىپ ياساش پىلانلاندى. 6- ئاينىڭ ئاخىرىغىچە، ئاپتونوم رايون بويىچە يېڭىدىن سېلىنىپ پۈتكەن ساياھەت ھاجەتخانىسى 93 يۈرۈشكە يەتتى، 69 يۈرۈش ھاجەتخانا ياسىلىۋاتىدۇ، 9 يۈرۈش ھاجەتخانىنىڭ ئالدىنقى باسقۇچلۇق رەسمىيىتى بېجىرىلىۋاتىدۇ؛ كونا ھاجەتخانىدىن 459 يۈرۈشى ئۆزگەرتىلدى؛ كۆچمە ھاجەتخانىدىن 162 يۈرۈشى كۆپەيتىلدى (بۇنىڭ 61 يۈرۈشى ئىشقا كىرىشتۈرۈلدى، 101 يۈرۈشى قۇراشتۇرۇلۇۋاتىدۇ)، 47 يۈرۈش ھاجەتخانىنىڭ سېتىۋېلىش ياكى ئىجارىگە بېرىش رەسمىيىتى بېجىرىلىۋاتىدۇ.

(نەشر ھوقۇقىغا ئىگە ئەسەر، ھوقۇق بېرىلمىگەن ئەھۋالدا باشقا سۇپىلارغا كۆچۈرۈپ ئىشلىتىش قاتتىق مەنئى قىلىنىدۇ. باشقا سۇپىلارغا كۆچۈرۈپ ئىشلەتكەندە مەنبەسى، ئەسلىي ماۋزۇسى، ئاپتورنىڭ ئىسمى ئەسكەرتىلىشى كېرەك، يادرولۇق مەزمۇنىنى ئۆزگەرتىشكە بولمايدۇ. ۋېيشىن دوستلار چەمبىرىكىگە، دوستلارغا ھەمبەھرىلەپ قويۇشىڭىزنى قارشى ئالىمىز.)