ئانار بۇلۇت \ شىنجاڭ گېزىتى خەۋىرى 7- ئاينىڭ 28- كۈنىدىن باشلاپ، G315 لىنىيەسىنىڭ ۋاششەرىدىن تاتىراڭغىچە بولغان يول بۆلىكىدە قوش يۆنىلىشتە يېپىق ھالەتتە قۇرۇلۇش قىلىنىدۇ، بۇ يولدىن ئۆتىدىغان ئاپتوموبىللار ئايلىنىپ مېڭىشقا دىققەت قىلىڭ.
ئاپتونوم رايونلۇق قاتناش- تىرانسپورت نازارىتى يول تورىنى كۆزىتىپ ئۆلچەش ۋە جىددىي ئىشلارغا تاقابىل تۇرۇش- بىر تەرەپ قىلىش مەركىزىنىڭ ھەرىكەتچان يول ئەھۋالى ئۇچۇرىغا ئاساسلانغاندا، G315 لىنىيەسى (شىنىڭ- تورغات تاشيولى)نىڭ 1653 كىلومېتىرلىق جايىدىن 1807 كىلومېتىرلىق جايى (ۋاششەرىدىن تاتىراڭغىچە)غىچە بولغان يول بۆلىكىدە كۆۋرۈكنى رېمونت قىلىش زۆرۈر بولۇپ قالغانلىقتىن، قۇرۇلۇش قىلغۇچى ئورۇن پىلان بويىچە 7- ئاينىڭ 28- كۈنى سائەت 10دىن باشلاپ، بۇ يول بۆلىكىدە قوش يۆنىلىشلىك يېپىق ھالەتتە قۇرۇلۇش قىلىدىكەن.
قۇرۇلۇش قىلىش مەزگىلىدە، چاقىلىق ناھىيەسىدىن چەرچەن ناھىيەسى يۆنىلىشىگە ماڭغان ئاپتوموبىللار كۆرسەتكۈچ تاختىسى بويىچە G0612 يۇقىرى سۈرئەتلىك تاشيولىدىن ئايلىنىپ مېڭىپ، تاتىراڭ ھەق ئېلىش پونكىتىغا كەلگەندە يۇقىرى سۈرئەتلىك تاشيولدىن چىقسا بولىدىكەن؛ چەرچەن ناھىيەسىدىن چاقىلىق ناھىيەسى يۆنىلىشىگە ماڭغان ئاپتوموبىللار كۆرسەتكۈچ تاختىسى بويىچە G0612 يۇقىرى سۈرئەتلىك تاشيولىدىن ئايلىنىپ مېڭىپ، ۋاششەرى ھەق ئېلىش پونكىتىغا كەلگەندە يۇقىرى سۈرئەتلىك تاشيولدىن چىقسا بولىدىكەن.
قۇرۇلۇش قىلىنىدىغان يول بۆلىكىدە قاتناش 8- ئاينىڭ 9- كۈنى ئەسلىگە كېلىدىكەن.
(نەشر ھوقۇقىغا ئىگە ئەسەر، ھوقۇق بېرىلمىگەن ئەھۋالدا باشقا سۇپىلارغا كۆچۈرۈپ ئىشلىتىش قاتتىق مەنئى قىلىنىدۇ. باشقا سۇپىلارغا كۆچۈرۈپ ئىشلەتكەندە مەنبەسى، ئەسلىي ماۋزۇسى، ئاپتورنىڭ ئىسمى ئەسكەرتىلىشى كېرەك، يادرولۇق مەزمۇنىنى ئۆزگەرتىشكە بولمايدۇ. ۋېيشىن دوستلار چەمبىرىكىگە، دوستلارغا ھەمبەھرىلەپ قويۇشىڭىزنى قارشى ئالىمىز.)